الماتىنىڭ قالا قۇرىلىسىنىڭ ينتەراكتيۆتى كارتاسى: ونى قايدان تابۋعا جانە قالاي قولدانۋعا بولادى

وسى ارقىلى سالىنىپ جاتقان جانە سالىناتىن نىساندار تۋرالى بارلىق قاجەتتى اقپاراتقا قول جەتكىزۋگە بولادى.

الماتىدا قۇرىلىس سالاسى سيفرلاندىرىلادى جانە بارلىق دەرەكتەر ينتەراكتيۆتى ءبىر كارتاعا ەنگىزىلەدى. بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ ايتتى، دەپ حابارلايدى Almaty-akshamy.kz.

الماتىنىڭ باس ساۋلەتشىسى گەوپورتال بازاسىندا قۇرىلىس نىساندارى مونيتورينگىنىڭ ينتەراكتيۆتى كارتاسى جاسالعانىن ايتتى. بۇل رەسۋرس سالىنىپ جاتقان جانە سالىناتىن نىساندار تۋرالى بارلىق قاجەتتى اقپاراتتىڭ قوجەتىمدى بولۋىن قامتاماسىز ەتەدى.

«ەندى ونلاين-رەجيمدە كوپ پاتەرلى تۇرعىن ءۇي كەشەندەرى مەن جەكە تۇرعىن ءۇي قۇرىلىسىنىڭ جوبالارى تۋرالى اقپارات الۋعا بولادى. اقپارات ونلاين رەجيمدە جاڭارادى»، - دەدى الماسحان احمەدجانوۆ.

بۇدان وزگە، وسى پورتالدا بارلىق قاجەتتى اقپارات بار: قۇرىلىس پاسپورتى، جوبانىڭ اتاۋى، قۇرىلىستى سالۋشى، كاداسترلىق ءنومىر، ەسكيزدىك جوبانىڭ كەلىسىمى تۋرالى مالىمەتتەر، سجت بويىنشا بەرىلگەن دەرەكتەر، قۇرىلىستىڭ باستالۋ مەرزىمى، پايدالانۋعا بەرۋ مەرزىمى، اۆتورلىق/تەحنيكالىق قاداعالاۋ، قۇرىلىس الاڭى، قاباتتار، پاتەرلەر سانى.

كارتا الماتى قالالىق جوسپارلاۋ جانە ۋربانيستيكا باسقارماسىنىڭ سايتىندا http://building.uaig.kz/ جاريالانعان.