قازاقستاندا ساپالى ۆاكسينالاردىڭ كومەگىمەن ءقاۋىپتى ۆيرۋستان قورعانۋ مۇمكىندىگى بار.
الماتى جاستاردىڭ رەسۋرستىق ورتالىقتارىنىڭ ۇيلەستىرۋشىلەرى مەن بەلسەندىلەرى مامىر ايىندا كوروناۆيرۋسقا قارسى ۆاكسينانىڭ ەكىنشى كومپونەنتىن الدى. باۋىرجان ماحانبەت پەن ديداربەك دىلدابەك قالا تۇرعىندارىنا ۆاكسينانىڭ قاجەتتىلىگى تۋرالى ايتتى، دەپ حابارلايدى Almaty-akshamy.kz.
باۋىرجان ماحانبەت - ناۋرىزباي اۋدانىنىڭ جاستاردىڭ رەسۋرستىق ورتالىعىنىڭ ۇيلەستىرۋشىسى. جاس كوشباسشى ىندەتكە دەيىن مەكتەپ وقۋشىلارىمەن، ستۋدەنت جاستارمەن كەزدەسۋلەر وتكىزگەنىن ايتتى. ول الماتىلىق جاستاردى قىزىعۋشىلىقتارى بويىنشا اۋقىمدى بۇقارانى قامتۋعا، كاسىبي باعدارلاۋ جۇمىسىن جۇرگىزۋگە، زياتكەرلىك ويىنداردى وتكىزۋگە بولاتىنىن جەتكىزدى.
«بۇگىن ءبىز ءىس-شارالاردىڭ باسىم بولىگىن ونلاين فورماتقا كوشىردىك. وڭاي ەمەس، ويتكەنى ستۋدەنتتەر مەن وقۋشىلار كەزدەسۋلەردى ساعىنادى. شاعىن توپ بولىپ جينالىپ، ءىس-شارالار وتكىزۋ كەرەك. سوندىقتان قالا تۇرعىندارى، اسىرەسە، جاستار ۇجىمدىق دەنساۋلىقتى قولداپ، ورتاق يممۋنيتەتتى قالىپتاستىرۋعا كومەكتەسۋى كەرەك. بۇل اركىمنىڭ جەكە ءىسى ەمەس، ۇجىمدىق جاۋاپكەرشىلىگى بولۋى ءتيىس»، – دەيدى باۋىرجان ماحانبەت.
باۋىرجان ماحانبەتتىڭ وتباسىنىڭ بارلىق مۇشەلەرى كوروناۆيرۋسقا قارسى ەكپە الدى. مىسالى، باۋىرجان مەن ونىڭ جاستار رەسۋرستىق ورتالىعىنداعى ارىپتەستەرى دە ۆاكسينا الدى.
«ءبىز ۇجىمدىق يممۋنيتەتتى تەزىرەك قالىپتاستىرساق، سوعۇرلىم قالىپتى ومىرگە تەز ورالامىز. بارلىق سالالار قالىپتى جۇمىس ىستەيتىن بولادى، بۇل ادامداردىڭ ءال-اۋقاتىنا تىكەلەي بايلانىستى»، – دەدى جاس كوشباسشى.
الماتى قالاسى مەدەۋ اۋدانى جاستاردىڭ رەسۋرستىق ورتالىعىنىڭ تاعى ءبىر ۇيلەستىرۋشىسى ديداربەك دىلدابەك تە كوروناۆيرۋسقا قارسى ەكپە الدى. سونداي-اق ۇجىمنىڭ بەس مۇشەسى دە ۆاكسينا العان. سونىمەن قاتار حالىق ساناعى كەزىندە 50-دەن استام ۆولونتەر ەكپە الدى.
جاس بەلسەندىلەردى ۆاكسينالاۋ «الما سيتي» ساۋدا ءۇيىنىڭ ەكپە پۋنكتىندە جۇرگىزىلدى.
«ءبىزدىڭ ەلىمىزدە جوعارى ساپالى ۆاكسينالاردىڭ كومەگىمەن ءقاۋىپتى ۆيرۋستان قورعانۋ مۇمكىندىگى بار. مەنىڭ وتباسىمنىڭ مۇشەلەرى كوروناۆيرۋسپەن اۋىرعان جوق. ءبىراق اۋرۋدىڭ دەنساۋلىققا تيگىزەتىن اسەرى تۋرالى ەستىدىم. ءتىپتى جاستارعا دا ءتوزۋ قيىن. جاڭا شتامدار ەرەكشە ءقاۋىپ توندىرەدى. ءوز دەنساۋلىعىمىزدى ويلاپ، ەكپە الۋ كەرەك»، – دەدى ديداربەك دىلدابەك.
بەلسەندىنىڭ ايتۋىنشا، الداعى ۋاقىتتا ەلىمىزدە حالىق ساناعى وتەدى. ۇيىم ەرىكتىلەرى بۇل شاراعا كومەكتەسۋگە دايىن. تاۋەكەل توبىنا تۇسپەۋ ءۇشىن بارلىق ەرىكتى سۇحبات الۋشىلار ۆاكسينا الدى. ۆاكسينانىڭ كومەگى سىزگە وفلاين رەجيمىندە وقۋعا مۇمكىندىك بەرەدى.
2021 جىلعى 3 شىلدەدەگى جاعداي بويىنشا الماتىدا 487 736 ادام ەكپە الدى.
وتكەن تاۋلىكتە 15 292 ادام ۆاكسينا الدى. ولاردىڭ اراسىندا 60 جاستان جوعارى ادامدار سانى 81 202ء-نى قۇرايدى.
قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 257 ادام جۇمىلدىرىلعان 304 ەكپە بريگاداسى قىزمەت اتقارادى.