قولعا تۇسكەن گاستاربايتەرلەر وزبەكستاننان كەلگەن.
كورشى مەملەكەتتەن كەلگەن كەلىمسەكتەر قالانىڭ الاتاۋ اۋدانىنداعى قۇرىلىس الاڭىندا انىقتالدى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
شەتەلدىكتەردىڭ قولىندا جەكە باسىن كۋالاندىراتىن قۇجاتتارى بولماعان، وسىعان بايلانىستى ولار ءپد-نىڭ قابىلداپ-تاراتۋ بولىمىنە ورنالاستىرىلعان. ۇستالعانداردىڭ ءارقايسىسىنىڭ جەكە باسىن انىقتاعاننان كەيىن، ولاردى قالامىزدىڭ اۋماعىندا كەز-كەلگەن قۇقىق بۇزۋشىلىقتار مەن قىلمىستارعا قاتىستىلىعىن تەكسەرەمىز. سودان كەيىن ولار اكىمشىلىك جاۋاپكەرشىلىككە تارتىلىپ، قازاقستاننان شىعارىلادى. ايتپاقشى، وتكەن كۇنى وزبەكستان رەسپۋبليكاسىنىڭ الماتى قالاسىنداعى كونسۋلدىعىمەن بىرگە سوتتىڭ شەشىمىمەن بۇرىن قازاقستاننان شىعارىلعان وزبەكستاننىڭ 16 ازاماتىنىڭ وتانىنا ورالۋى ۇيىمداستىرىلدى، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق سپيكەر 7-16 ماۋسىم ارالىعىندا وتكىزىلگەن «كەلىمسەك» ءىس-شاراسى بارىسىندا كوشى-قون زاڭناماسىن بۇزعانى ءۇشىن 1 785 كوشى-قون زاڭناماسىن بۇزۋشى اكىمشىلىك جاۋاپكەرشىلىككە تارتىلعانىن، ولاردىڭ 1 262ء-سى شەتەلدىك ازاماتتار ەكەنىن ەسكە ءتۇسىردى. 102 شەتەلدىك قازاقستان رەسپۋبليكاسىنان شىعارىلدى.