اۋرۋدىڭ الدىن الۋ وتە ماڭىزدى.
الماتى قالاسى مەدەۋ اۋدانى «امانقۇل اتا» مەشىتىنىڭ باس يمامى سەرىكحان احمادييەۆ مەديسيناعا دەگەن سەنىم يسلامنىڭ نەگىزگى ىلىمدەرىنىڭ ءبىرى ەكەنىن ايتتى. ول - دەنساۋلىققا نەمقۇرايلى قارايتىندارعا قارسىلىق بىلدىرەتىن ءدىن قىزمەتكەرلەرىنىڭ ءبىرى، دەپ حابارلايدى Almaty-akshamy.kz.
سەرىكحان احمادييەۆتىڭ ايتۋىنشا، بۇگىنگى كۇن بۇكىل الەم ءۇشىن وڭاي ەمەس ەكەنىن، دەنساۋلىق پەن ءومىردى ساقتاۋ ماسەلەلەرىندە سەنۋشىلەردى پاراساتتىلىققا، عىلىمي زەرتتەۋلەردى باسشىلىققا الۋعا شاقىرادى.
«اۋرۋدىڭ الدىن الۋ وتە ماڭىزدى، اسىرەسە، جۇقپالى اۋرۋلار تاراعان ۋاقىتتا بارىنشا ءتيىمدى شارالار جاسالۋى مىندەت. يسلام قايراتكەرلەرى جۇقپالى اۋرۋلار تاراعان كەزدە حالىقتى ساقتاپ قالۋ ءۇشىن ۇتىمدى ءارى باتىل قادامدارعا بارعانى بارشامىزعا ءمالىم. شاريعاتىمىزدا ادام ءومىرىنىڭ قۇندىلىعىنا امانات رەتىندە قاراۋ بىرنەشە رەت ايتىلعان. وسى قيىن ۋاقىتتا ۆاكسينا ارقىلى اۋرۋدىڭ الدىن الۋ - ءتيىمدى جولداردىڭ ءبىرى»، – دەيدى مەدەۋ اۋدانى «امانقۇل اتا» مەشىتىنىڭ باس يمامى سەرىكحان احمادييەۆ.
ايتا كەتسەك، يسلام دىنىندە: «ول قورقاتىن اۋرۋدىڭ الدىن الۋ ءۇشىن ءدارى قابىلداۋدا ەشقانداي ماسەلە جوق»، – دەلىنگەن. سونداي-اق قالادا نەمەسە كەز كەلگەن باسقا جەردە ەپيدەميا (اۋرۋ) تۋرالى الاڭداۋشىلىق بولسا، وندا وعان قارسى ۆاكسينا جاساۋ ءتيىمدى ەكەنىن مەديسينا ماماندارى ايتۋدا. بۇل - ادامنىڭ باسىنا تۇسكەن اۋرۋدى ەمدەۋ جولى.
شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ - ءار ازاماتتىڭ ءوز ەركى ەكەنىن عالىمدارىمىز مالىمدەۋدە.
قازاقستان مۇسىلماندارى ءدىني باسقارماسى دا كوروناۆيرۋس ينفەكسياسىنىڭ تارالۋىن توقتاتۋ ءۇشىن ۆاكسينادان وتۋگە شاقىردى.