تەرروريزمگە قارسى كۇرەس بۇگىندە ءاربىر ەلدىڭ ىشكى جانە سىرتقى ساياساتىنىڭ باستى باعىتتارىنىڭ بىرىنە اينالدى.
جاسوسپىرىمدەردى تەرروريزم تۋرالى ماعلۇمات بەرۋ جانە تەرروريستىك توپتاردىڭ ءقاۋپى جايلى ناسيحاتتاۋ باعىتىندا الماتىدا №79 مەكتەپ-گيمنازياسىنىڭ كىتاپحاناسىندا "تەرروريزممەن كۇرەس—بارشانىڭ مىندەتى" تاقىرىبىندا جيىن ءوتتى، دەپ حابارلايدى aqshamnews.kz.
بەيبىتشىلىك پەن تاتۋلىقتى ارقاۋ ەتكەن مەملەكەتتىڭ بيلىگىن كۇيرەتۋگە اسەر ەتەتىن بۇگىنگى تاڭدا بۇكىل الەم بويىنشا جاھاندىق ماسەلە - تەرروريزم. قازىرگى ۋاقىتتا، تەرروريزم مەن ەكسترەميزمنىڭ تارالۋ ءقاۋپى ەلىمىزدىڭ قاۋىپسىزدىگىن تونەتىن شىنايى قاۋىپكە اينالىپ وتىر.
"تەررور" ءسوزىنىڭ ماعىناسى لاتىن تىلىنەن اۋدارعاندا، قورقىنىش، ۇرەي دەگەن ۇعىمدى بىلدىرەدى.
تەرروريزمدى كوپ وبەكتىلى قىلمىس تۇرىنە جاتقىزادى. قىلمىستىڭ وبەكتيۆتىك جاعى - جارىلىس جاساۋ، ءورت قويۋ نەمەسە ادامداردىڭ قازا بولۋى، ەلەۋلى مۇلىكتىك زيان كەلتىرۋ نە قوعامعا ءقاۋىپتى وزگە دە زارداپتاردىڭ تۋىنداۋ ءقاۋىپىن توندىرەتىن وزگە دە ىس-ارەكەتتەر جاساۋ"، - دەپ ءتۇسىندىرىلدى قاتىسۋشىلارعا.