الماتىدا الاياقتاردىڭ نومىرلەردى اۋىستىرۋ ءۇشىن پايدالاناتىن تاعى ءبىر «Sim-Box» جابدىعى انىقتالدى، دەپ حابارلايدى aqshamnews.kz
بايتەرەكوۆ كوشەسىندەگى پاتەردە جۇرگىزىلگەن جەدەل ءىس-شارالار بارىسىندا رەسەي فەدەراسياسىنىڭ 18 جاستاعى ازاماتىنان «Sim-Box»، قازاقستاندىق ۇيالى بايلانىس وپەراتورلارىنىڭ 300-دەن استام سيم-كارتاسى جانە باسقا دا جابدىقتار تاركىلەندى.
اتالعان فاكتى بويىنشا 5 جىلعا دەيىن باس بوستاندىعىنان ايىرۋ جازاسى بەلگىلەنگەن قازاقستان رەسپۋبليكاسى قىلمىستىق كودەكسىنىڭ 213-بابى (ابونەنتتىك قۇرىلعىنىڭ سايكەستەندىرۋ كودىن وزگەرتۋگە ارنالعان باعدارلامالاردى قۇقىققا سىيىمسىز پايدالانۋ) بويىنشا سوتقا دەيىنگى تەرگەپ-تەكسەرۋ باستالدى.
«Sim-Box» جابدىعى قىلمىستىق ماقساتتا تەلەفون قوڭىراۋلارىن جاپپاي جاساۋ، تاراتۋلاردى جىبەرۋ جانە ابونەنتتىك نومىرلەردى اۋىستىرۋ ءۇشىن كەڭىنەن قولدانىلادى.