ۆاكسينا الۋعا كەلگەن الماتى حالقىنا مەرەكەلىك كوڭىل-كۇي سىيلاۋ ماقساتىندا ءتۇرلى مادەني شارالار وتكىزىلىپ جاتىر.
بۇگىن الماتىدا ق ر مەملەكەتتىك رامىزدەرى كۇنىنە وراي سانيتارلىق تالاپتاردىڭ ساقتالۋىن ەسكەرە وتىرىپ، ءبىرقاتار مادەني ءىس-شارالار وتكىزىلدى. ولار قالانىڭ ۆاكسينا جاساۋ پۋنكتتەرىنە مەرەكەلىك كوڭىل-كۇي سىيلاۋدا. المالى اۋدانى اكىمدىگىنىڭ قىزمەتكەرلەرى ەكپە العان قالا تۇرعىندارىنا قازاقستان تۋى بەينەلەنگەن شوكولادتاردى تاراتۋ جايلى شەشىم قابىلدادى، دەپ حابارلايدى Almaty-akshamy.kz
اكسيا ازاماتتىق پەن پاتريوتيزمگە، ءوز وتانىنا دەگەن سۇيىسپەنشىلىككە تاربيەلەۋ، ەلدىڭ مەملەكەتتىك رامىزدەرىن قۇرمەتتەۋدى قالىپتاستىرۋ، سونداي-اق ولاردىڭ ءمانى مەن ماڭىزىن ءتۇسىنۋ ماقساتىندا وتكىزىلدى.
«مەملەكەتتىك رامىزدەر - رۋحاني كۇش-قۋاتتىڭ قاينار كوزى، ءاربىر قازاقستاندىق تۋ، ەلتاڭبا مەن ءانۇراندى قاستەرلەۋى ءتيىس. ءبىزدىڭ قالامىزدا تۋدىڭ سيمۆوليكاسى بار برەندتىك شوكولاد وندىرىلەدى. ول تۋرالى دۇنيە ءجۇزى بىلەدى، سوندىقتان ءبىز ۆاكسيناعا قاتىسۋشىلارعا شوكولاد سىيلاپ، مەرەكەمەن قۇتتىقتاۋدى ءجون كوردىك»، - دەدى الماتى قالاسى المالى اۋدانى اكىمىنىڭ ورىنباسارى اينۇر بەكجانوۆا.
ەكپە العاندارعا Globus سوسو، «مەگا» سوCو، «مبو» ءسۇ، تولە بي بويىنشا حقكو ەگۋ پۋنكتتەرىندە 500-دەن استام شوكولاد تاراتىلدى.
سىيلىق العانداردىڭ اراسىندا الماتىلىق ابدۋل يبراگيموۆ تا بار، ول بۇگىن وتاندىق ۆاكسينا الدى.
«ءبىز مەملەكەتتىك رامىزدەردى قۇرمەتتەپ، جاستاردى پاتريوتيزمگە تاربيەلەۋىمىز كەرەك. بۇل مەرەكەنى ناسيحاتتاۋ جانە ونىڭ تاريحىن ايتىپ وتىرۋ قاجەت. مەن ۆاكسينا الۋعا كەلىپ ەدىم، قۇتتىقتاۋلاردى كورىپ قۋاندىم. مەنىڭ ويىمشا، ۆاكسينا الۋ جانە ۇجىمدىق يممۋنيتەتتى قالىپتاستىرۋ ءپاتريوتيزمدى، ءوز ەلى مەن حالقىنا دەگەن سۇيىسپەنشىلىكتى بىلدىرەدى. ءبىز بىرگە ىندەتتى جەڭۋىمىز كەرەك!» - دەدى ابدۋل يبراگيموۆ.
الماتىدا وتكىزىلەتىن ءىس-شارالار اراسىندا ساياباقتار مەن سكۆەرلەر، جاياۋ جۇرگىنشىلەر كوشەلەرى، مەترو ستانسيالارى مەن ۆاگوندارى، سوسو، «مەدەۋ» بيىك تاۋلى كەشەنى جانە «شىمبۇلاق» كۋرورتى اۋماعىندا، سونداي-اق «كوك-توبە» ساياباعىندا مەملەكەتتىك ءانۇران ءبىر مەزگىلدە (ساعات 13.00-دە) شىرقالادى. مەگاپوليس تۇرعىندارى مەن قوناقتارىن وسى اكسياعا قوسىلۋعا جانە ءانۇران شىرقالعان كەزدە بارلىق ءتارتىپ ەرەجەلەرىن ساقتاي وتىرىپ، ءانۇران ورىنداۋعا شاقىرادى. سونىمەن قاتار، الماتىدا بايكەرلەر شەرۋى، سونداي-اق رەسپۋبليكا سارايى عيماراتىنىڭ الدىندا وركەستردىڭ قاتىسۋىمەن مەملەكەتتىك ءانۇران ورىندالادى (ساعات 19.00).
الماتىدا ق ر مەملەكەتتىك رامىزدەرى كۇنىنە وراي الماتى قالالىق جاستار رەسۋرستىق ورتالىعىنىڭ ەلەكتروساموكاتتارىندا «مەنىڭ تۋىم» اتتى فلەشموب ءوتتى. الماتىداعى «كيروۆ» اسكەري-پاتريوتتىق كلۋبىنىڭ مۇشەلەرى قازاقستاننىڭ مەملەكەتتىك تۋىن بيىكتىگى 3 680 مەتر ۇلكەن الماتى شىڭىندا كوتەرىپ، دومبىرامەن قۇرمانعازىنىڭ شىعارمالارىن ورىندادى.
