كوروناۆيرۋستىڭ ءتورتىنشى تولقىنى بۇرىنعىعا قاراعاندا ءقاۋىپتى.
بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتىنىڭ باس سانيتارلىق دارىگەرى جانداربەك بەكشين حابارلادى. ول بۇگىندە ۆاكسينانىڭ ءبىرىنشى كومپونەنتى مەگاپوليس حالقىنىڭ رەسمي سانىنان 35%-دان ءسال ارتىق، ەكىنشىسىن حالىقتىڭ 24% العانىن حابارلادى. ەرەسەك تۇرعىندار اراسىندا ۆاكسينا العاندار كەم دەگەندە 60%-عا جەتۋى ءتيىس، دەپ حابارلايدى Almaty-akhamy.kz.
جانداربەك بەكشين كۇن سايىن ۆاكسينانىڭ ءبىرىنشى كومپونەنتىن 7،7 مىڭنان استام ادام الاتىنىن ايتتى.
«بۇل ەپيدەميانىڭ قازىرگى تولقىنىن تۇراقتاندىرۋ ءۇشىن جەتكىلىكسىز. قالادا «دەلتا» كوروناۆيرۋس نۇسقاسىنىڭ تارالۋ قارقىنى جوعارى»، – دەدى باس دارىگەر.
ول بالالار مەن جاستاردىڭ ءالى دە ءقاۋىپ ايماعىندا ەكەنىن ايتتى. سوڭعى ەكى اپتاداعى جاس قۇرامىن تالداۋ ناتيجەسى بويىنشا، 1 جاسقا دەيىنگى بالالاردىڭ اۋرۋدى جۇقتىرۋ جالعاسۋدا. بارلىق كۆي ناۋقاستارىنىڭ 2،8%-ىن قۇرايدى. بۇل وتكەن اپتادا 136، وسى جولى 190 بالا تىركەلدى.
14 جاسقا دەيىنگى بالالار اراسىندا 965 جاعداي جانە 40 پەن 59 جاستاعى ازاماتتار اراسىندا 1 824 جاعداي تىركەلگەن. 60 جاستان اسقاندار – 1 487 ادام.
«ۆيرۋس جۇقتىرعانداردىڭ اراسىندا يممۋنيتەتى مىقتى جاس حالىق باسىم. سوندىقتان كوروناۆيرۋستىڭ ءتورتىنشى تولقىنى بۇرىنعىعا قاراعاندا ءقاۋىپتى. 20 مەن 40 جاس ارالىعىنداعى الماتىلىقتار اراسىندا كۆي اۋرۋى 38%-دى، 40 پەن 59 جاس ارالىعىنداعى ازاماتتار اراسىندا – 25%-دى جانە 60 جاستان اسقان ادامدار اراسىندا – 20%-دى قۇرايدى»، – دەدى جانداربەك بەكشين.
سپيكەر الماتىدا كوروناۆيرۋس بويىنشا جاعداي كۇردەلى ەكەنىن اتاپ ءوتتى. ينفەكسيالىق ستاسيونارلار جوعارى جۇكتەمەمەن جۇمىس ىستەۋە. وڭتۇستىك استانانىڭ تۇرعىندارى ۆاكسينانى كەيىنگە قالدىرماۋلارى ءتيىس. ەپيدەميولوگتاردىڭ ايتۋىنشا، "دەلتا" شتاممى وتە جۇقپالى ءارى ءقاۋىپتى.