جىل باسىنان بەرى 3 مىڭنان اسا جەتكىنشەك ءقاۋىپتى ۆيرۋس جۇقتىرعان
مۇنداي دەرەكتەردى قالالىق قوعامدىق دەنساۋلىق باسقارماسىنىڭ وكىلدەرى كەلتىردى، دەپ حابارلايدى اlmaty-akshamy.kz "الماتى" تەلەارناسىنىڭ سايتىنا سىلتەمە جاساپ.
بيىل جىل باسىنان بەرى 3 مىڭنان اسا جەتكىنشەك ءقاۋىپتى ۆيرۋستى جۇقتىرعان. وتكەن جىلى بۇل كورسەتكىش 400-دەن اسپاعان ەدى. بۇعان دەيىن COVID-19-دى جۇقتىرعان بالالاردا ينفەكسيا اعىمى ەرەسەكتەرگە قاراعاندا جەڭىل تۇردە وتەتىنى حابارلانعان ەدى. الايدا ماماندار ءدال وسى بالالار ۆيرۋستى بەلسەندى تاراتۋشىلار بولىپ تابىلاتىنىن العا تارتۋدا.
وسى رەتتە، امەريكالىق عالىمدار 5 جاستان اسقان بالالاردى Pfizer ۆاكسيناسىمەن ەگۋگە رۇقسات بەرىپ وتىر. مۇنداي شەشىم 2 مىڭنان اسا جەتكىنشەككە جاسالعان زەرتتەۋ جۇمىسىنان كەيىن قابىلدانىپ وتىر. سىنامانىڭ قورىتىندىسى 91 پايىزعا جاقسى ناتيجە كورسەتكەن.
«بالالار ۆيرۋستى ەرەسەكتەرگە، اسىرەسە، قاريالارعا جۇقتىرۋى مۇمكىن. سونداي-اق قۇرداستارىنىڭ اراسىندا تارايدى. امەريكادا كوروناۆيرۋستىڭ سالدارىنان جۇزدەگەن بالا ومىرىمەن قوشتاستى. سەبەبى ۆيرۋس جۇققاندا دەرت اسقىنىپ، اۋىر تۇردە وتەدى، كىشكەنتاي اعزا مۇنداي اۋىرتپالىقتى كوتەرە الماي قالۋى مۇمكىن. سوندىقتان قاراشا ايىنىڭ ورتاسىنان باستاپ اقش بيلىگى 5 جاستان اسقان بالالاردى بەلسەندى تۇردە ەگۋدى باستاماق. بۇعان اتا-انالار دا قارسىلىق ءبىلدىرىپ وتىرعان جوق»، – دەدى قازاقستان پروفيلاكتيكالىق مەديسينا اكادەمياسىنىڭ پرەزيدەنتى الماز شارمان.