قىرعىزستان اۋماعىندا بولعان جەر سىلكىنىسى الماتىدا سەزىلدى، دەپ حابارلايدى aqshamnews.kz ءتىلشىسى.
بۇل اقپاراتتى ۇلتتىق سەيسمولوگيالىق باقىلاۋلار جانە زەرتتەۋلەر عىلىمي ورتالىعى ۇسىندى. مامانداردىڭ ايتۋىنشا، جەر ءدۇمپۋى 7 ماۋسىمدا ساعات 08:33-تە تىركەلگەن.
"2025 جىلعى 7 ماۋسىمدا استانا ۋاقىتىمەن تاڭعى ساعات 08:33-تە سەيسميكالىق ستانسالار جەلىسى جەر سىلكىنىسىن تىركەدى. ونىڭ كوورديناتتارى: 41.008 N، 75.278 E"، – دەلىنگەن رەسمي حابارلامادا.
جەراستى ءدۇمپۋىنىڭ ەپيسەنترى قىرعىزستان اۋماعىندا، الماتىدان وڭتۇستىك-باتىسقا قاراي 279 شاقىرىم جەردە ورنالاسقان.
توتەنشە جاعدايلار مينيسترلىگىنىڭ دەرەگىنشە، الماتىدا جەر سىلكىنىسى ەكى بالل شاماسىندا سەزىلگەن. زارداپ شەككەندەر تۋرالى مالىمەت تۇسكەن جوق.