الماتىنىڭ قالا قۇرىلىسى باقىلاۋ باسقارماسى ساين، شالياپين، ياسساۋي جانە جاندوسوۆ كوشەلەرىنىڭ اۋماعىندا ينجەنەرلىك جەلىلەردى جۇرگىزىپ جاتقان مەردىگەر ۇيىمعا قاتىستى جوسپاردان تىس تەكسەرىستىڭ ناتيجەسىن حابارلادى.
تەكسەرىس بارىسىندا «سپەسستروي گرۋپپ لتد» ج ش س ءبىرقاتار قۇرىلىس نورماسىن بۇزعانى انىقتالدى. اتاپ ايتقاندا، ترانشەيالاردىڭ قيا بەتكەيلەرى بەكىتىلمەگەن، جەرگىلىكتى دىمقىل توپىراق قاباتتاپ نىعىزدالماستان قايتا كومىلىپ، كەيبىر ۋچاسكەلەردە ترانشەياعا جەر استى سۋلارى تولىپ قالعان.
امانجول جانە وزگە دە كوشەلەردە ينەرتتى ماتەريال توسەلمەگەندىكتەن، توپىراقتىڭ تىعىزدالۋ دەڭگەيى تالاپقا ساي بولماي شىقتى. سونىڭ سالدارىنان جاۋىن-شاشىن كەزىندە جول جابىندىسى وتىرىپ، تەرەڭ شۇڭقىرلار پايدا بولدى.
قالا قۇرىلىسى باقىلاۋ باسقارماسى مەردىگەر ۇيىمعا انىقتالعان كەمشىلىكتەردى 2025 جىلى 8 قازانعا دەيىن جويۋ جونىندە نۇسقاما بەردى. ەگەر بەلگىلەنگەن مەرزىمدە تالاپتار ورىندالماسا، ءىس سوتقا جولدانىپ، زاڭ اياسىندا پروسەستىك شەشىم قابىلدانادى.