وتكىزىلگەن كەڭەس بارىسىندا جوباعا قاتىسۋشىلاردىڭ باياندامالارى تىڭدالىپ، العاشقى ءۇش ايداعى قىزمەت قورىتىندىلارى بويىنشا باعا بەرىلدى.
جوبا شەڭبەرىندە قولدا بار گەولوگيالىق-گەوفيزيكالىق دەرەكتەردى قايتا وڭدەۋ مەن قايتا ءتۇسىندىرۋدىڭ وزىق يننوۆاسيالىق تەحنولوگيالارىن قولدانا وتىرىپ، كاسپيي ماڭى ويپاتىنىڭ قازاقستاندىق بولىگىنىڭ تۇزاستى شوگىندىلەرىنىڭ تەرەڭ گەولوگيالىق قۇرىلىمىن زەردەلەۋ جوسپارلانۋدا.
2021 جىلعى 9 ماۋسىمدا الماتى قالاسىندا ق ر ەكولوگيا، گەولوگيا جانە تابيعي رەسۋرستار ۆيسە-مينيسترى سەرىكقالي برەكەشيەۆتىڭ توراعالىعىمەن "ەۋرازيا" جوباسىنىڭ 1-فازاسى جۇمىسىنىڭ العاشقى ءۇش ايىنىڭ قورىتىندىسىن تالقىلاۋ بويىنشا كەڭەس ءوتتى دەپ حابارلادى Almaty-akshamy.kz. ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ گەولوگيا كوميتەتىنىڭ باسپا ءسوز قىزمەتىنە سىلتەمە جاساپ.
كەڭەسكە ق ر ەگترم گەولوگيا كوميتەتىنىڭ ءتوراعاسى تالعات ساتييەۆ، كوميتەتتىڭ ءوڭىرارالىق دەپارتامەنتتەرىنىڭ باسشىلارى، كونسورسيۋم كومپانيالارىنىڭ وكىلدەرى قاتىستى.
«ەۆرازيا» جوباسىنىڭ فازا-1 باعدارلاماسىن ىسكە اسىرۋدى «گەوكەن» ج ش س، «مەريديان ەۋرازيا» ج ش س جانە «PGS قازاقستان» ج ش س قۇرامىنداعى كونسورسيۋم ورىندايدى.
كاسپيي ماڭى ويپاتىنىڭ ءبىر بولىگى قازاقستانمەن كاسپيي تەڭىزى بويىنشا شەكارالاس ەلدەردىڭ اۋماعىندا ورنالاسقاندىعىن ەسكەرە وتىرىپ، جوبانى ىسكە اسىرۋ گەولوگيالىق-گەوفيزيكالىق اقپاراتپەن الماسۋ جانە كاسپيي ماڭى ويپاتىن زەرتتەۋ بويىنشا جۇرگىزىلەتىن جۇمىستاردىڭ ءادىسناماسىن بىرىزدەندىرۋ بولىگىندە ءوز قىزمەتىن ۇيلەستىرۋ مۇمكىندىگىنىڭ بىرەگەي ۇلگىسى بولىپ تابىلادى.
فازا-1 گەولوگيالىق مىندەتتەرىنىڭ نەگىزگى ماقساتى كاسپيي ماڭى ويپاتىنىڭ تەرەڭ جاتقان وبەكتىلەرى بويىنشا پەرسپەكتيۆالى ۋچاسكەلەردى ءبولۋ جانە بارلاۋدىڭ قازىرگى زامانعى تەحنولوگيالارىن قولدانا وتىرىپ، ودان ءارى گەولوگيالىق بارلاۋ جۇمىستارىنىڭ باعدارلامالارىن ازىرلەۋ بولىپ تابىلادى.
كەڭەس قورىتىندىسى بويىنشا «ەۋرازيا» جوباسىنىڭ جول كارتاسى اياسىندا ناقتى تاپسىرمالار بەرىلدى.