وتكەن تاۋلىكتە الماتىدا مىڭعا جۋىق ادام كوروناۆيرۋس جۇقتىرعان.
الماتىداعى پوليسەيلەر جولداردا جانە قوعامدىق ورىنداردا ازاماتتار اراسىندا بەتپەردە رەجيمىن جانە باسقا دا سانيتارلىق-گيگيەنالىق نورمالاردى ساقتاۋ قاجەتتىلىگى تۋرالى ءتۇسىندىرۋ جۇمىستارىن كۇشەيتتى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي دەرەگى بويىنشا، رەيدتەر بارىسىندا جۇرگىزۋشىلەرمەن جولاۋشىلارعا قوعامدىق كولىكتە ءجۇرۋ كەزىندە كارانتيندىك رەجيمدى ساقتاۋ ماڭىزدىلىعى تۋرالى ايتقان.
«ءار اۋداندا الدىن الۋ جۇمىستارىن كۇشەيتۋ ءۇشىن سەگىز ارنايى توپ قۇرىلدى، ولاردىڭ قۇرامىنا پوليسيا قىزمەتكەرلەرى عانا ەمەس، ساياباقتاردا، الاڭداردا جانە ادامدار كوپ جينالاتىن جەرلەردە بەتپەردە رەجيمىن ساقتاۋ بويىنشا رەيدتەر جۇرگىزگەن اۋدان اكىمدىكتەرىنىڭ وكىلدەرى دە كىردى. ءبىز بەتپەردەسى جوق ادامدارعا بەتپەردە تاراتتىق»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.