AqshamNews.kz - "Алматы-ақшамы" қоғамдық-саяси газеті AqshamNews.kz - "Алматы-ақшамы" қоғамдық-саяси газеті
  • Basty bet
  • Qūryltaı
  • Barlyǵy
    • Resmı bólím
    • Sport
    • Kerek keńes
    • Medıtsına
    • Bílím jáne ǵylym
    • Zań men tərtíp
    • Oqıǵa
    • Ne? Qaıda? Qashan?
    • Eksklyuzıv
    • Almaty kóshelerí
    • Joldau
    • Keleshek mektepterí
    • Sybaılas jemqorlyqqa qarsy kúres
  • Jańa Konstıtutsıya
Қазақ Qazaq قازاق Русский
Қазақ Qazaq قازاق Русский
AqshamNews.kz - "Алматы-ақшамы" қоғамдық-саяси газеті
  • 🏠 Basty bet
  • Qūryltaı
  • Barlyǵy
    • • Resmı bólím
    • • Sport
    • • Kerek keńes
    • • Medıtsına
    • • Bílím jáne ǵylym
    • • Zań men tərtíp
    • • Oqıǵa
    • • Ne? Qaıda? Qashan?
    • • Eksklyuzıv
    • • Almaty kóshelerí
    • • Joldau
    • • Keleshek mektepterí
    • • Sybaılas jemqorlyqqa qarsy kúres
  • Jańa Konstıtutsıya
  • 📰 Gazet arhıví

Bíz áleumettík jelílerde:

💱 Valyuta baǵamy:

Basty bet / Joldau / Jańa auruhana saludan bastap jalaqyny ósíruge deıí...

Jańa auruhana saludan bastap jalaqyny ósíruge deıín: sarapshy prezıdent joldauynyń densaulyq saqtau salasyndaǵy basymdyǵy turaly aıtty

Joldau 18.11.2026, 10:00 439
Жаңа аурухана салудан бастап жалақыны өсіруге дейін: сарапшы президент жолдауының денсаулық сақтау саласындағы басымдығы туралы айтты

Prezıdent joldauynyń negízgí ózegínde adam, onyń ál-auqaty men ómír súru sapasy tūr, dep habarlaıdy aqshamnews.kz tílshísí.

Qasym-Jomart Toqaevtyń joldauynda densaulyq saqtau salasyna qatysty bírneshe mańyzdy bastama kóteríldí. Onyń qatarynda 70-ke juyq densaulyq saqtau nysanyn, segíz zamandyq perınataldyq ortalyq pen jetí kópbeıíndí balalar auruhanasyn salu, sondaı-aq alǵashqy medıtsınalyq-sanıtarıyalyq kómek kórsetetín mamandardyń aılyǵyn ósru máselesí de bar. Būlar medıtsınalyq ınfraqūrylymdy jańǵyrtuǵa, medıtsınalyq qyzmettíń qoljetímdílígín arttyryp, azamattardyń ómír súru sapasyn jaqsartuǵa baǵyttalǵan. Memleket basshysy belgílegen basymdyqtyń mańyzy turaly Shyǵys Qazaqstan oblystyq ftızıopulmonologıyalyq ortalyǵynyń dırektory Raıfa Safıollınova píkír bíldírdí.

Sarapshynyń aıtuynsha, Prezıdent joldauynyń negízgí ózegínde adam, onyń ál-auqaty men ómír súru sapasy tūr. Memleket basshysy áleumettík ınfraqūrylymdy, sonyń íshínde odan árí jańǵyrtudy qajet etetín densaulyq saqtau júıesín damytuǵa erekshe nazar audardy.

Elímízdíń óńírínde medıtsınalyq mekemeler salu basym baǵyttyń bíríne aınalmaq. Alǵashqyda auruhanalardy, perınataldyq ortalyqtardy, jedel medıtsınalyq járdem stantsıyalary men balalardy ońaltu ortalyqtaryn qosa alǵanda, 70-ke juyq densaulyq saqtau nysany salynbaqshy. Erekshe qajettílígí bar balalarǵa arnalǵan sport zalyn ashu kózdelgen.

«Joldaudyń ón boıynda basty oı – adam men elímízde sapaly ómír súruge jaǵdaı jasau máselesí aıqyn kórínís tapqan. Densaulyq saqtau salasynyń ókílí retínde bírneshe negízgí baǵytty atap óter edím. Árıne, medıtsınalyq nysandar qūrylysynyń auqym alǵany quantady. Būl salanyń damuyna jańa serpín beríp, ınfraqūrylymdy jańartyp, medıtsınalyq kómektíń sapasyn arttyruǵa sep bolady», – deıdí Raıfa Safıollınova.

Prezıdent tapsyrmasynyń jeke bír baǵyty ana men balany qorǵauǵa arnalǵan. Qazaqstanda auqymdy qūrylys jūmysynyń alǵashqy kezeńínde segíz zamandyq perınataldyq ortalyq salynady. Sonymen qatar Atyrau, Aqtóbe, Almaty, Shymkent, Qaskeleń, Semeı men Aqtau qalasynda jetí kópbeıíndí balalar auruhanasy, Astanada ekí medıtsınalyq nysan salynbaq.

«Joldauda ana men balany qorǵau basymdyǵy naqty belgílengen. Ol úshín zamandyq perınataldyq ortalyqtar men kópbeıíndí auruhana salu qajet. Būl balalardy ońaltu qyzmetín damytady. Eń bastysy, balalarymyz sapaly, beıíndí jáne mamandanǵan medıtsınalyq kómek ala alady», – dedí sarapshy.

Joldaudaǵy taǵy bír mańyzdy baǵyt – alǵashqy medıtsınalyq-sanıtarıyalyq kómektí jańǵyrtu. Prezıdent jalpy praktıka dárígerleríníń ókílettíkterín keńeıtíp, densaulyq saqtau salasynyń bastapqy buynyn qarjylandyru kólemín kezeń-kezeńímen arttyrudy tapsyrdy.

«Alǵashqy medıtsınalyq-sanıtarıyalyq kómektí jańǵyrtyp, osy deńgeıde jūmys ísteıtín mamandardyń ókílettígín keńeıtuge erekshe toqtalǵym keledí. Sondaı-aq bastapqy buyn mamandarynyń jalaqysyn 40 paıyzǵa deıín kóteru kerek. Óıtkení nauqasty alǵash qabyldaıtyn, aurudy anyqtauǵa qatysatyn – dál osy mamandar. Sondyqtan medıtsına qyzmetkerleríne kórsetíletín mūndaı qoldaudyń mańyzy zor», – deıdí Raıfa Safıollınova.

Joldauda el damuynyń mańyzdy baǵyttary retínde tsıfrlandyru men jasandy ıntellektíní engízu máselesí de qamtyldy. Prezıdent zamandyq tehnologıyalardy ekonomıkanyń túrlí salasy men qoǵamdyq ómírde praktıkalyq tūrǵydan qoldanu ayasyn keńeıtudí míndettedí. Raıfa Safıollınovanyń píkírínshe, tsıfrlyq transformatsıya densaulyq saqtau júıesín odan árí jetíldíru úshín de óte kerek.

Telegram arnaǵa jazylyńyz
Bólísu:
Júktelude...

Sońǵy jańalyqtar

Múgedektígí bar balalardy úıde ońaltu jobasy bes óńírde júzege asyryluda

Búgín 17:05

Dostyq dańǵyly men Sátbaev kóshesíníń qıylysynda kólík qozǵalysy uaqytsha shekteledí

Búgín 16:30

Almatyda Bıbígúl Tólegenovanyń sheberlík sabaǵy óttí

Búgín 16:05

Almatylyq sportshy sambodan sheberler arasynda álem chempıony atandy

Búgín 16:02

Keleshek mektepterí: Qazaqstannyń bílím beru ınfraqūrylymyn jańǵyrtu

Búgín 15:07
Telegram
Jazylyńyz
AqshamNews.kz - "Алматы-ақшамы" қоғамдық-саяси газеті

"Alatau Aqparat" medıaholdıngí

Síltemeler

  • Bíz turaly
  • Baılanys
  • Jarnama
  • Jazylu
  • Gazet arhıví

Baılanys

  • Respublıka Kazahstan. 050022, g. Almaty, Adres: ul. Shevchenko, 106 a
  • +77272930803
Copyright 2026, "Alatau Aqparat" medıaholdıngí
Яндекс.Метрика
// SMI24 vıdjet setTimeout(function() { if (typeof Smi24 !== 'undefined') { Smi24.init('[data-smi-widget-id="130"]'); } }, 1500);