Jahandaný zamanynda adam quqyqtary men bostandyǵyn qorǵaý basty nysanaǵa alynǵan desek, oǵan Sherxan Murtazanyń «Zań – memlekettiń toǵyz qabat, tor kózdi saýyty» degenin qosyńyz. Demek, adam ómirinde zańnyń arqalar júgi jeńil emes. Osy salada úzdiksiz bilim berip júrgen bilim ordalarynyń biri de biregeıi Qazaq Ulttyq ýnıversıtetiniń zań fakúlteti.
Fakúltet qabyrǵasy ýnıversıtetpen birge 1934 jyly qalanǵan bolatyn. Sondyqtan da, bilimniń almonatory atanǵan zań fakúltetiniń bizdiń elimizde bıik ekenine eshkim kúmán keltire almas. 2024 jyly qańtar aıynan bastap qara shańyraǵymyz óziniń 90-jyldyq mereı toıyn toılamaq.
Onyń dáleli árıne talaı belesti baǵyndyrǵan, Ata Zańymyzdyń ár tarmaǵy, ár bólimin qurastyrýǵa úles qosqan túlekteri ekeni málim. Qazaq zańynyń shyńyraǵyn kóterip, ýyǵyn tikken jandardyń qaı qaısysyn da ómir tarıxynan «QazUÝ» degen tańbany kórýge ábden bolady.
«Túlekterim – tiregim» degen qara shańyraqtyń búgingi shákirt daıyndaý jolyndaǵy alǵy isterine toqtala keteıik.
Quqyqtaný, keden isi, korporatıvtik quqyq mamandyqtary boıynsha jyl saıyn básekege qabiletti shákirtter tárbıelep shyǵarýda. Sapaly bilim alyp shyqqan stýdentterimizdiń jumys ornynda da óresi bıik turatynyna senimdimiz.
Fakúltet zaman talabyna saı jabdyqtalǵan elimizdegi aldyńǵy qatarly bilim ordasy. Shákirtter ıgiligine sheksiz ınternet pen kompúter qurylǵylary úzdiksiz jumys jasaıdy. Sonymen qatar, zertxanalyq sabaqtarǵa arnaıy jabdyqtalǵan krımınaldyq zertteý, sot júrgizý bólmeleri men medıasıa dóńgelek ústel kabınetteri stýdentterdiń sapaly bilim alyp qana qoımaı, jan-jaqty bolyp shyǵýyna óz septigin tıgizýde.
Bizde stýdentterdiń tańdaýyna qaraı sabaqtar qazaq, aǵylshyn, orys tilderinde júrgiziledi. Álemdik standarttar boıynsha bakalavr, magıstratýra, PhD doktorantýra sanattarynda bilim alyp shyǵýǵa múmkindikter jasalynǵan. Sebebi bizde, Qazaqstandaǵy eń úzdik degen profesorlar men dosentter, ustazdar quramy jumys jasaıdy.
Stýdentterimiz sabaq oqyp qana qoımaı stýdenttik uıymdar músheleri bolyp, túrli úıirmelerge de qatysýyna bolady. Sol arqyly oqý men qatar qoǵammen qarym-qatynas jasaı bilegý daǵdylanady. Búgingi kúni shákirtterimizdiń bilim kórsetkishiniń arqasynda Qazaqstanda ǵana emes, ýnıversıtetimizde de aldyńǵy qatarly fakúltetterdiń kósh basynda tur. Onyń dáleli jyl saıynǵy zań fakúlteteriniń stýdentteri halyqaralyq jáne respýblıkalyq olımpıadalardyń, sporttyq jarystardyń, shyǵarmashylyq baıqaýlardyń jeńimpazdary.
«Zań - úlken shybyndar buzyp ótip, usaq shybyndar shyrmalatyn órmekshiniń tory emes» degen Balzaktyń sózin ustanatyn bizdiń fakúltet qashanda ádildikti tý etken elimizdegi eń aıtýly bilim bólimi.