QR Turızm jáne sport mınıstrlígí Úkímet qaulysyna sáıkes rezervten halyqaralyq arenada joǵary nátıjelerge qol jetkízgen sportshylar men jattyqtyrushylardy yntalandyru úshín shamamen 5,5 mlrd teńge bólíngenín málím ettí, – dep habarlaıdy aqshamnews.kz tílshísí.
Qarajat 2025 jyly Tokıoda ótken XXV jazǵy Surdlımpıadada júlde alǵan sportshylar men olardyń jattyqtyrushylaryn marapattauǵa baǵyttaldy. Barlyǵy 32 sportshy men 42 jattyqtyrushy syıaqyǵa ıe boldy.
Tólem mólsherí qoldanystaǵy zańnamaǵa sáıkes belgílengen: altyn medal úshín — 130 mln teńge, kúmís medal úshín — 78 mln teńge, qola medal úshín — 39 mln teńge. Sondaı-aq 4-6 oryn alǵan sportshylarǵa 2,5 mln teńgeden 15 mln teńgege deıín syıaqy tólendí.
Surdlımpıadaǵa 81 elden shamamen 3 myń sportshy qatysty. Qazaqstan qūramasy sporttyń segíz túrí boıynsha óner kórsetíp, jalpykomandalyq esepte 9-oryn aldy. El qorjynyna 25 medal tústí: 8 altyn, 4 kúmís jáne 13 qola.
Tólemderdí júzege asyru turaly sheshím sportty memlekettík deńgeıde júıelí qoldaudyń bír bólígí jáne joǵary jetístíkter sportyn odan árí damytuǵa, sondaı-aq Qazaqstannyń halyqaralyq arenadaǵy bedelín nyǵaıtuǵa baǵyttalǵan.