Aqtóbelík Nıkıta Maslyanık QR ÍÍM Ūlttyq ūlanynda merzímdí áskerı qyzmetín ótkeríp júr. 5513 áskerı bólímíníń qatardaǵy jauyngerí alǵashqy kúnnen-aq syrt kelbetímen qarulastarynyń nazaryn audardy, – dep habarlaıdy aqshamnews.kz tílshísí.
Olar sarbazdyń túrí «Kalashnıkov» fılmínde basty róldí somdaǵan akter Yurıı Borısovqa aıryqsha ūqsaıtynyn jıí aıtady.
Sarbazdyń aıtuynsha, dál osy salystyrulardan keıín ol «Kalashnıkov» kórkem fılmín tamashalaǵan. Kartına aty ańyzǵa aınalǵan atys qaruyn qūrastyrushy Mıhaıl Kalashnıkovtyń ómír joly men kásíbı qalyptasuy turaly bayandaıdy. Fılm Nıkıtaǵa erekshe áser qaldyrǵan.
Ásírese áıgílí konstruktordyń ómíríndegí mańyzdy kezeńderdíń Qazaqstanmen tyǵyz baılanysty bolǵanyn bílu jas jauynger úshín kútpegen jańalyq boldy.
Qazírgí tańda Nıkıta Maslyanık Ūlttyq ūlannyń 5513 áskerı bólímínde áskerı míndetín abyroımen atqaryp, áskerı mamandyqtyń qyr-syryn meńgeríp, kásíbı daǵdylaryn shyńdap keledí. Onyń aıtuynsha, ásker ómírí tártípke baulyp, jauapkershílíktí arttyryp, er mínezdí shyńdauǵa úlken yqpal etedí.
Belgílí aktermen ūqsastyǵyna qaramastan, jas sarbaz úshín eń bastysy – áskerı antqa adal bolyp, Otan aldyndaǵy boryshyn abyroımen óteu.