Ekíbastūzda qūmar oıynǵa salynǵan memqyzmetshíler áshkerelendí, – dep habarlaıdy aqshamnews.kz tílshísí.
Qala prokuraturasy ákímdík memlekettík qyzmetshíleríníń qyzmettík ádep normalaryn būzu derekterín anyqtady.
Atap aıtqanda, lauazymdy tūlǵalar zańnamalyq tyıymǵa qaramastan bukmekerlík keńselerde belsendí shottarǵa ıe bolǵan.
Mysaly, TKSh, jolaushylar kólígí jáne avtomobıl joldary bólímíníń sektor meńgerushísíníń jeke shoty boıynsha aınalym 6,8 mln teńge bolǵan.
Ūqsas zańbūzushylyqtar auyldyq okrug ákímí, Tūrǵyn úı ınspektsıyasy bólímíníń basshysynyń orynbasary, sondaı-aq, qala ákímdígíníń qūrylymdyq bólímsheleríníń jetí qyzmetkerínen de anyqtaldy.
Qyzmettík tekseru nátıjelerí boıynsha barlyq qūqyqbūzushylyq derekterí jóníndegí materıaldar Pavlodar oblysy boıynsha Memlekettík qyzmet ísterí departamentíníń Ádep jóníndegí keńesíne joldandy.
Memlekettík qyzmetshíler tarapynan ádep normalary men mínez-qūlyq qaǵıdalaryn saqtauǵa baqylaudy álsíz júrgízgení úshín qala ákímí apparatynyń jauapty basshysy tártíptík jauapkershílíkke tartyldy.