Únemi uıqysy qanbaı júretin adam ashýlanshaq, artyq salmaq jınaýǵa beıim bolady.
Eń qorqynyshtysy – uıqynyń qanbaýy saldarynan júıke júıesiniń jasýshalary jańarmaıdy eken, ol azdaı, adamnyń este saqtaýy men zeıini, jumys isteý qabileti de nasharlaıdy.
Dıetolog ári jattyqtyrýshy Svetlana Panchenko uıqynyń qanbaýynyń aǵzaǵa tıgizetin zıany týraly aıtty.
«Táýliktik yrǵaqtyń buzylýy (uıyqtaý men oıaný rejımderi) birqatar mańyzdy gormondardyń túzilýi men rettelýindegi buzylýlarǵa tikeleı baılanysty. Eger siz keshki on birden keıin uıyqtasańyz nemese tym az uıyqtaıtyn bolsańyz, onda kortızoldyń, melatonın sekresıasy (uıqy gormony), ósý gormonynyń sekresıasy, tábetti retteıtin gormondar: leptın (qanyqtyrý gormony), grelınniń (ashtyq gormony) rettelýi buzylady. Bul gormondardyń tepe-teńdigi sizdiń densaýlyǵyńyz ben ımýnıtetińizge aıtarlyqtaı zıanyn tıgizedi», – dedi maman.
Ol kortızol, leptın jáne grelındegi teńgerimsizdiktiń isinýge, ashýlanshaqtyqqa, kóńil-kúıdiń ózgerýine jáne táttilerge, maıly jáne zıandy taǵamdarǵa qumarlyqtyń artýyna ákeletinin aıtty.
«Árdaıym ýaqytynda uıyqtaý kerek, eń durysy 22-22: 30-da jatyp qalǵan jón, uıyqtaıtyn jerińiz perdesi jaryq ótkizbeıtin, tolyq qarańǵylanǵan bólme bolýy da mańyzdy. Úlken adam kem degende segiz saǵat uıyqtaýy kerek. Balalardyń 9-10 saǵat uıyqtaǵany jón», - dedi dıetolog.