Fınalda bahreındík Mūhammed Nábıevtí aıqyn basymdyqpen jeńdí, dep habarlaıdy aqshamnews.kz tílshísí.
Búgín Japonıyanyń Nagoya qalasyndaǵy Inae sport ortalyǵynda aralas jekpe-jekten Azıya oıyndarynyń fınaldary ótíp jatyr.
Otandasymyz Erkínǵalı Búrkítalın (dástúrlí stıl) 77 kg deıíngí salmaqtyń fınalynda bahreındík qarsylasy Mūhammed Nábıevpen kezdesíp, aıqyn basymdyqpen jeńdí. Esep: 3-0.
Osy tūsta MMA Japonıyada alǵash ret jazǵy Azıada baǵdarlamasyna qosylǵanyn aıta ketu kerek.
Qazír Qazaqstan komandasynyń enshísínde Azıadanyń 5 altyny bar.
Jalpy XX jazǵy Azıya oıyndary 4 qazanǵa deıín jalǵasady. Qazaqstan Ūlttyq qūramasynyń sapynda 558 sportshysy qatysyp jatyr. Olar jarys baǵdarlamasyndaǵy 35 sport túrínen júldege talasady.