AQSH prezıdenti Donald Tramp Truth Social áleýmettik jelisinde "jańa laýazymyn" jarıalady, - dep habarlaıdy Aqshamnews.kz tilshisi.
Tramp Truth Social-da (Vıkıpedıadaǵy ómirbaıanǵa uqsas) skrınshot jarıalap, onda 2026 jylǵy qańtardan bastap Venesýela prezıdentiniń mindetin atqarýshy ekenin kórsetken. Iaǵnı, ol ózin 2026 jylǵy qańtarda "taǵaıyndaldy" dep jazǵan. AQSH prezıdenti retindegi qazirgi qyzmetin de ózinde qaldyrǵan.
Foto: truthsocial.com/@realDonaldTrump
Venesýeladaǵy oqıǵalar
Eske salaıyq, 2025 jylǵy jeltoqsanda AQSH Venesýelaǵa qarsy operasıa júrgizip, el astanasy Karakasta prezıdent Nıkolas Madýro men onyń jubaıyn qolǵa túsirgen. Keıin Madýro Brýklındegi tergeý ızolátoryna jetkizilgeni belgili boldy.
Sondaı-aq, Tramp "AQSH-tyń barlyq jaýyna" Venesýelada bolǵan operasıa sıaqty shara qoldanatynyn aıtyp, qoqan-loqy jasady.
Nú-Iorkte Venesýela prezıdentiniń isi boıynsha sottyń alǵashqy otyrysy aıaqtaldy. Oǵan "esirtki-terrorızmge baılanysty sóz baılasý, kokaın kontrabandasy, pýlemetter men jarylǵysh qurylǵylardy saqtaý jáne olardy AQSH-qa qarsy qoldaný maqsatynda sóz baılasý" aıyptary taǵylyp, tórt ret ómir boıyna bas bostandyǵynan aıyrý jazasy qaýpi tónip tur.
Sotta Madýro óziniń "áli de Venesýela prezıdenti" ekenin jáne "aıyptardyń eshqaısysyna kináli emes" ekenin málimdedi. Onyń áıeli de kinásiz ekenin aıtty. Olar sýdıamen aýdarmashy arqyly sóılesti.
Sýdıa saıasatkerdi kelesi tyńdaýǵa 17 naýryzda kelýge mindettep, konsýldyq qyzmetkerlerdiń kelýine ruqsat berdi. Onyń qorǵaýshylary Venesýela prezıdentin kepilmen bosatýǵa qol jetkizýge nıetti ekenin aıtty.
Delsı Rodrıges Venesýelanyń prezıdent mindetin atqarýshysy bolyp taǵaıyndaldy. Bastapqyda Rodrıges AQSH áreketterin qatań aıyptap, Madýrony bosatýdy talap etken, alaıda keıinirek Trampqa úndeý jarıalap, venesýelalyqtar "soǵys emes, beıbit ómirge laıyq" ekenin aıtty.