Prezıdent Qasym-Jomart Toqaev Reseı prezıdenti Vladımır Pýtınmen telefon arqyly sóılesti, - dep habarlaıdy Aqshamnews.kz.
Memleket basshysy áriptesin AQSH prezıdenti Donald Tramppen Ankorıdjde ótken kezdesý qorytyndysymen quttyqtady.
Prezıdenttiń pikirinshe, kelissózder Reseıdiń Ýkraına jónindegi ustanymyn amerıkalyq taraptyń jaqsy túsinýine septigin tıgizdi. Bul kúrdeli máseleniń sheshimin izdeýde ortaq til tabysýǵa kómektesedi.
Qasym-Jomart Toqaev Aláskadaǵy samıtti Reseıdiń halyqaralyq pozısıasyn jáne álemdik arenadaǵy ózara túsinistikti nyǵaıtý turǵysynan aıtýly kezdesý boldy dep sanaıdy.
Memleket basshysy sapardyń sátti uıymdastyrylǵanyn atap ótti. Qazirgideı kúrdeli jaǵdaıda munyń saıası máni zor.
Vladımır Pýtın óz tarapynan áriptesine Aláskada ótken kelissózdiń keıbir naqty aspektileri týraly málimet berdi.
Áńgimelesý sońynda Qazaqstan Prezıdenti Reseı Prezıdentine energetıka salasyndaǵy konstrýktıv yntymaqtastyq úshin rızashylyq bildirdi.