Parlament Senatynda tıisti kelisim qabyldandy
TMD elderi Qarýly Kúshteriniń gýmanıtarlyq mınasyzdandyrý mindetin oryndaý úshin birlesken bólimshe qurylady, dep habarlaıdy Almaty-akshamy.kz.
Qazaqtv.com saıtynyń habarlaýynsha, Parlament Senatynyń jalpy otyrysynda tıisti kelisim maquldandy. Qujat ortaq ınjenerlik qurylymnyń mártebesi men erejelerin jáne onyń aldaǵy jumys baǵytyn aıqyndaýǵa múmkindik beredi. Qazaqstannyń qorǵanys mınıstri orynbasarynyń aıtýynsha, áskerıler birlesip mına alańdaryn, nysandardy, jarylý qaýpi bar zattardyń bolýyna tehnıkalyq barlaý jasaý, jaýyngerlik is-qımyl bolǵan aýdandardy qaýipten aryltyp, tazartýmen aınalysatyn bolady.
«Gýmanıtarlyq mınasyzdandyrý operasıalaryna qatysý úshin ulttyq ınjenerlik bólimsheni jiberý týraly sheshimdi jiberýshi tarap óziniń ulttyq zańnamasyna sáıkes qabyldaıdy. Kelisimde birlesken bólimsheni TMD-ǵa qatysýshy memleket bolyp tabylmaıtyn memleket aýmaǵynda gýmanıtarlyq mınasyzdandyrý mindetterin oryndaýǵa tartý múmkindigi kózdelgen. Qazaqstan Respýblıkasy bul is-shara tek BUU Qaýipsizdik Keńesiniń mandatyna sáıkes múmkin dep sanaıdy», - deıdi QR Qorǵanys mınıstriniń orynbasary Daryn Tuıaqov.