Qazaqstanda 2024 jyldyń Í toqsanynda stomatologıyalyq qyzmetterden túsken tabys 40 mlrd teńgege jettí. Būl ótken jylmen salystyrǵanda 31%-ǵa artyq jáne sońǵy ekí jyldaǵy eń joǵary kórsetkísh bolyp tabylady, dep habarlaıdy almaty-akshamy.kz.
2021 jyly halyqqa zeınetaqy jınaqtaryn aluǵa rūqsat berílgennen keıín, būl qarajattyń bír bólígí medıtsınalyq qyzmetterge, onyń íshínde stomatologıyalyq qyzmetterge baǵyttaldy. Alǵashqy uaqytta būl naryqqa aıtarlyqtaı áser etpegenímen, jetkílíktílík shegí kóteríler aldynda sūranys kúrt artty. Sonyń nátıjesínde 2022 jyldyń Í toqsanynda tís dárígerleríníń tabysy 65,2 mlrd teńgege jettí.
Tís dárígerleríníń tabysynyń tūraqty ósuí stomatologıyalyq qyzmetterdíń baǵasynyń jyldam kóteríluímen de túsíndíríledí. 2023 jyly būl qyzmetterdíń baǵasy 11,4%-ǵa qymbattady, būl jalpy ınflyatsıyadan 1,6 paıyzdyq punktke joǵary.
Aıta ketu kerek, memleket halyqqa stomatologıyalyq qyzmetterdí tóleuge sırek kómektesedí. Onyń jalpy shyǵyndardaǵy úlesí nebárí 9% nemese 3,5 mlrd teńgení qūraıdy.