Aqtau garnızonynda teńíz jayau áskeríníń desanttyq-shabuyldau batalonynda merzímdí áskerı qyzmet ótkeríp júrgen matros Baqdáulet Kúzdíbaev áskerı qyzmettí shyǵarmashylyqpen ūshtastyryp keledí.
Atyrau oblysynan tórt aı būryn Áskerı-teńíz kúshteríníń qataryna shaqyrylǵan ol qazírgí uaqytta mehanık-júrgízushí lauazymynda qyzmet atqarady. Baqdáulet Kúzdíbaevtyń suret saluǵa degen qyzyǵushylyǵy bala kezínen qalyptasqan. Mektep jáne studenttík jyldary ol stendterdí, plakattar men qabyrǵa suretterín bezendírgen. Ásker qataryna kelgennen keıín óz áuestígí turaly komandırleríne aıtyp, olardyń qoldauyna ıe boldy.
Qazírgí uaqytta ol qyzmetten bos uaqytynda suret salady. Matrostyń aıtuynsha, basty maqsaty — tuǵan áskerı bólímínde ıgí íz qaldyryp, ózínen keıín keletín áskerı qyzmetshílerdíń ūlttyq tarıhtyń batyrlaryn tanyp, qūrmetteuíne úles qosu. Qyzmet etu barysynda Baqdáulet Kúzdíbaev belgílí batyrlar men handardyń beınesín qamtyǵan bírqatar auqymdy tuyndylardy dúnıege ákeldí. Sonymen qatar ol ańyzǵa aınalǵan qolbasshy Bauyrjan Momyshūlyna arnalǵan jeke tuyndy da saldy.
Matros Baqdáulet Kúzdíbaevtyń úlgísí qatań kún tártíbí, jauyngerlík dayarlyq pen qarqyndy jattyǵularǵa qaramastan, áskerde shyǵarmashylyq pen ózín-ózí damytuǵa múmkíndík bar ekenín aıqyn kórsetedí.