Jambyl oblysynda polıtsıya kópqabatty úıdíń terezesínen qūlaǵan balalardyń oqıǵasyna baılanysty mán-jaıdy anyqtap jatyr. Balalar ombudsmení Dınara Zákıeva olardyń anasyna būǵan deıín auyr depressıya dıagnozy qoıylǵanyn málímdedí, - dep habarlaıdy aqshamnews.kz tílshísí.
Ístíń mán-jaıy
Jambyl oblysynda terezeden qūlaǵan balalardyń ólímíne qatysty tergeu bastaldy. Būǵan deıín jelíde oqıǵa Tarazda bolǵany, al kúdíktí - zardap shekken balalardyń anasy degen aqparat tarady. Onda áıel balalardy besínshí qabattyń terezesínen laqtyryp jíbergen degen málímet aıtylǵan.
Balalar ombudsmení ne deıdí?
Dınara Zákıevanyń aıtuynsha, balalardyń anasyna būryn auyr depressıya dıagnozy qoıylǵan, alaıda ol em-domyn tolyq almaǵan. Qazír oǵan qatysty kámeletke tolmaǵandardy óltíruge oqtalu baby boıynsha ís tergelíp jatyr.
"Óńírlík uákíl auruhanaǵa baryp, balalardyń jaǵdaıyn bílíp qaıtty. Ūl balanyń jaǵdaıy qanaǵattanarlyq, al qyz balanyń jaǵdaıy auyrlau, súıegí synǵan", - dedí ombudsmen.
Zákıeva balalarǵa qatysty zorlyq-zombylyqtyń aldyn alu men qorǵauǵa kedergí keltíretín kúrdelí problemalardyń bírí retínde medıtsınalyq qūpıyany atady.
Onyń sózínshe, medıtsınalyq qūpıyaǵa baılanysty densaulyq saqtau organdary auyr depressıya nemese psıhıkalyq densaulyqqa qatysty dıagnozdar boıynsha esepte tūrǵan ata-analarmen bírge tūratyn balalar turaly arnaıy organdaryna habar bermeıdí. Al qatygezdík kórsetu, adam óltíru sıyaqty ondaǵan jaǵdaı kóbíne osyndaı ahualǵa baılanysty.
"Balalardyń qūqyǵyn qorǵau funktsıyasyn atqaratyn organdar qajet bolǵan jaǵdaıda otbasyna baryp, tıístí shara qabyldauy úshín aqparatqa qol jetkízuí kerek. Būl máselení zańnamalyq deńgeıde sheshu qajet dep sanaımyn", - dedí Dınara Zákıeva.
Ombudsmenníń aıtuynsha, kún saıyn balalarǵa qatysty zorlyq-zombylyqqa baılanysty 5 qylmys tírkeledí. Sonyń 60–70 paıyzy jaqyndary tarapynan jasalady: anasy, ákesí nemese jaqyn aınalasyndaǵy adamdar.
"Mūndaı qauípter men qylmystardy anyqtau óte qıyn, óıtkení bárí úı íshínde, jabyq esíktíń artynda bolady. Osyǵan baılanysty keıíngí ekí jylda qabyldanǵan zańdar erte anyqtau, kómek kórsetu jáne otbasylarmen jūmys ísteuge arnalǵan túrlí qūraldar men tásílderdí engízdí", - dep qosty ol.
Nátıjesínde, byltyr 29 myń ata-ana ata-analyq míndetín oryndamaǵany úshín jauapkershílíkke tartylǵan, 1 126 adam ata-analyq qūqyǵynan aıyrylǵan, taǵy 660 adamnyń qūqyǵy shektelgen.
