Taılandta demalysta júrgen Qostanaı tūrǵyny Alekseı Vıvtonenko auyr halde auruhanaǵa tústí. Ol qazír Phukettegí klınıkalardyń bírínde jansaqtau bólímínde jatyr. Tuystary otandastarynan kómek sūrap, qarjy jınaudy bastady, - dep habarlaıdy aqshamnews.kz tílshísí.
Alekseı Vıvtonenko Taılandqa demaluǵa barǵan. 31 qańtarda onyń densaulyǵy kúrt nasharlap, medıtsınalyq kómekke júgíngen. Alǵashqy emnen keıín betí berí qaraǵandaı bolǵanymen, 2 aqpanda jaǵdaıy qaıta qıyndap, auruhanaǵa óte auyr halde jetkízílgen.
Dárígerler oǵan bírneshe kúrdelí dıagnoz qoıdy:
- Sepsıspen asqynǵan sozylmaly pankreatıt;
- Búırektíń zaqymdanuy;
- * Ekí jaqty pnevmonıya.
«Qazír ol medıkamentozdy komada jatyr. Ókpení jasandy jeldetu apparatyna qosylǵan, sonymen qatar gemodıalız jasalyp jatyr», — deıdí nauqastyń jaqyndary.
Otbasynyń aıtuynsha, standartty medıtsınalyq saqtandyru tek alǵashqy ekí kúndí ǵana (10 myń dollar kólemínde) ótegen. Qazírgí uaqytta saqtandyru lımıtí tolyq tausylǵan.
4 aqpannan bastap barlyq shyǵyndy otbasy óz moınyna aldy. Vachira Phuket Hospital klınıkasynda jansaqtau bólímínde jatudyń bír kúndík qūny 860 myńnan 1 mıllıon teńgege deıín (55-70 myń bat) jetedí. Būl somaǵa ota jasau shyǵyndary kírmeıdí. Auruhana árí qaraı emdeu úshín 500 myń bat kólemínde depozıt talap etíp otyr.
Dárígerlerdíń aıtuynsha, Alekseıdíń jaǵdaıy óte múshkíl, sondyqtan ony qazírgí uaqytta Qazaqstanǵa tasymaldauǵa rūqsat joq. Tuystary áleumettík jelí arqyly halyqtan kómek sūrap, Alekseıdíń ómírín saqtap qalu úshín jantalasyp jatyr.
