Jýrnalısıka salasyndaǵy Oljas Súleımenov atyndaǵy Halyqaralyq syılyq ıegerleri belgili boldy.
Qazaqstan Jýrnalıser odaǵynyń keńsesinde Buqaralyq aqparat quraldary qyzmetkerleri kúnine arnalǵan baspasóz konferensıasy ótti. Oǵan belgili qoǵam qaıratkerleri Oljas Súleımenov pen Murat Áýezov, Qazaqstan Jýrnalısıka Akademıasynyń prezıdenti Saǵymbaı Qozybaev, Qazaqstan Jýrnalıser odaǵy basqarmasynyń tóraǵasy Seıitqazy Mataev qatysty.
Kezdesý Oljas Omarulynyń 85 jyldyq mereıtoıyna arnalǵan «Óz jeriniń Elshisi» kitabynyń tusaýkeserinen bastaldy. Kitapty Qazaqstan Jýrnalısıka Akademıasynyń vıse-prezıdenti Valerıı Jandáýletov tanystyrdy. Sodan keıin jýrnalısıka salasyndaǵy Oljas Súleımenov atyndaǵy Halyqaralyq syılyqqa belgili mádenıettanýshy Murat Áýezov jáne Qazaqstan jýrnalısıkasynyń ardageri Tileýjan Esilbaev ıe boldy. Jýrnalıser odaǵynyń basshysy shyǵarmashylyq odaqtyń marapattaryn jarıalady.
Bıyl Oljas Omaruly basqarǵan «Nevada-Semeı» qoǵamdyq-saıası uıymynyń qurylǵanyna 32 jyl toldy. 29 tamyz Halyqaralyq ıadrolyq qarýǵa qarsy kúres kúni bolyp bekitilip, Qazaqstannyń tolyqtaı ıadrolyq qarýdan bas tartqanyna 30 jyl toldy. Osyǵan oraı jýrnalıserge arnaıy marapat tabystaldy. Marapattalǵan jýrnalıserdiń biri – «Alatay Aqparat» JSHS-niń Bas dırektory Tólemis Baqtybaıuly Kúlmuhamedov.
Murat ÁÝEZOV,
jazýshy, memleket jáne qoǵam qaıratkeri:
Oljas Súleımenov atyndaǵy Halyqaralyq syılyqqa ol kisiniń óz qolynan ıe bolý men úshin úlken bedel, qurmet. Tek men ǵana emes, bizdiń býyn ókilderiniń, jalpy qazaqtyń rýhyn kóterip, mártebesin bıiktetken Oljas Súleımenovtiń óleńderi men zertteý eńbekteri dep bilemin. «Qolda barda altynnyń qadiri» joq degen sóz bar. Oljas Súleımenovteı azamattyń el úshin sińirgen eńbegi kózi tirisinde elený kerek. Oljastaı azamatty qazaqqa buıyrtqan ol – taǵdyrdyń jomarttyǵy.
Saǵymbaı QOZYBAEV,
Qazaqstan Jýrnalısıka Akademıasynyń prezıdenti:
- Búgingi Qazaqstan Jýrnalıser odaǵynyń jáne Qazaqstan Jýrnalıser akademıasynyń syılyqtaryn tabystaý Buqaralyq aqparat quraldary qyzmetkerleriniń kúnine oraı uıymdastyryldy. Jýrnalıser Akademıasyna bıyl dál osy kúni 20 jyl. Belgili «Altyn juldyz», «Altyn samuryq», «Aqqý» atty marapattarǵa qosa Oljas Omarulynyń 85 jyldyǵyna baılanysty taǵy da bir syılyqty usynyp otyrmyz. Ol – pýblısısıka salasyndaǵy Oljas Súıleımenov atyndaǵy Halyqaralyq syılyq. Syılyqtyń eń alǵashqy ıegerlerine ony Oljas Súleımenovtiń ózi tabys etti.