Saýd Arabıasynyń bıligi sheteldik azamattarǵa ısi musylman qaster tutatyn qos kıeli qaladaǵy jyljymaıtyn múlikke ınvestısıa quıýǵa ruqsat beretin sheshim qabyldady.
Bul jaıynda aqshamnews.kz islam.kz portalyna siltmeme jasaı otyryp habarlaıdy.
Saýdıanyń kapıtal naryǵyn basqarý basqarmasy atap ótkendeı, mundaı qadam shetel ınvestısıasyn el ekonomıkasyna tartyp, qasıetti qos qalanyń ınfraqurylymyn damytý úshin qolǵa alynyp otyr. Saýdıa aýmaǵyna birer jyldan soń, dáliregi, 2030 jylǵa qaraı keletin qajylar qarasy artady. Shamamen 30 mln adam qajylyq paryzyn óteıtin bolady.
Osyny eskergen atalǵan arab eliniń bıligi kıeli qos qalanyń ınfraqurylymyn keńeıtýge qajetti qarjynyń kózin sheteldik ınvestısıamen toltyrýǵa múddeli. Osy oraıda 2019 jyly memleket qajylyqtan 12 mlrd dollar paıda tapqanyn aıta ketpekpiz. Qajylyq pen umra – Saýdıa ekonomıkasynyń mańyzdy tarmaǵy. Saýdıa bıliginiń qasıetti qos qalaǵa qatysty sheshimi jarıalana salysymen mekkelik qurylysshylardyń aksıa baǵasy birden 10 paıyzǵa qymbattap shyǵa keldi. Degenmen, qos qaladaǵy jyljymaıtyn múlikti satýǵa shekteý qoıylady. Saýdıa azamattyǵyn almaǵan tulǵalarǵa jyljymaıtyn múlikti menshikteýde 49 paıyzdan asyrmaıdy.