Respýblıka kúnine oraı elimizdegi baseındik ınspeksıalarǵa 20 avtokólik tabystaldy, dep habarlaıdy aqshamnews.kz
Astanada sý sharýashylyǵy salasynyń qyzmetkerlerin memlekettik jáne vedimistik nagradalarmen marapattaý rásimi ótti. Saltanatty jıynǵa Qazaqstan Respýblıkasy Premer-Mınıstriniń orynbasary Qanat Bozymbaev pen Sý resýrstary jáne ırrıgasıa mınıstri Nurjan Nurjigitov qatysty.
«Qurmetti áriptester, sizderdi shyn júrekten Respýblıka kúnimen quttyqtaımyn. Bul elimizdiń tarıhı tańdaýyn aıqyndaǵan Egemendik deklarasıasy qabyldanǵan kún. Memleket basshysy Qasym-Jomart Toqaev qarapaıym eńbek adamynyń mártebesin kóterýge erekshe mán berip keledi. Prezıdent elimizde 2025 jyldy jumysshy mamandyqtary jyly dep jarıalady. Sý sharýashylyǵy salasynda elimizdiń sý qaýipsizdigin qamtamasyz etýde tynymsyz eńbek etip júrgen on myńnan astam adam bar. Árqaısyńyzǵa zor densaýlyq, kúsh-jiger jáne tolaıym tabys tileımin!» - dedi Sý resýrstary jáne ırrıgasıa mınıstri Nurjan Nurjigitov.
Mereke qarsańynda sý sharýashylyǵy salasynyń 34 mamany memlekettik nagradalarmen marapattaldy. Olardyń ishinde 8 adam «Qurmet» ordenimen, 2 qyzmetker İİİ dárejeli «Eńbek dańqy» ordenimen, 13 maman «Eren eńbegi úshin» medalimen marapattaldy. Sonymen qatar, «Sý sharýashylyǵynyń ardageri» jáne «Sý sharýashylyǵynyń úzdigi» tósbelgileri, sondaı-aq, Sý resýrstary jáne ırrıgasıa mınıstriniń «Qurmet gramotasy» men «Alǵys haty» tabystaldy.
Saltanatty jıynda sýshylar dınastıasynyń ókilderi de marapatqa ıe boldy. Aıta ketý kerek, «Qazsýshar» kásipornynda 67 sýshylar áýleti jumys isteıdi.