Eurazıyalyq ekonomıkalyq odaqtyń veterınarıyalyq-sanıtarıyalyq talaptarynyń būzylǵany turaly QR Auyl sharuashylyǵy mınıstrlígíníń Veterınarıyalyq baqylau jáne qadaǵalau komıtetí habarlady.
«Syrym» veterınarıyalyq baqylau beketínde Samar oblysynan (RF) Qyzylorda oblysyna bet alǵan júk kólígí toqtatyldy. Tekseru barysynda kólíkte 63 myń dana tauyq jūmyrtqasy tasymaldanyp kele jatqany belgílí boldy, - dep habarlaıdy aqshamnews.kz.
Qūjattyq baqylau nátıjesínde zańbūzushylyq anyqtaldy: veterınarıyalyq ílespe qūjattarda kórsetílgen júk jóneltushí januardan alynatyn ónímderdí EAEO elderíne jetkízuge rūqsaty bar ūıymdardyń tízílímíne engízílmegen. Osy sebeptí júk kerí qaıtaryldy. Al júrgízushíge QR Ákímshílík qūqyq būzushylyq turaly kodeksíníń 406-baby boıynsha ákímshílík hattama toltyrylyp, aıyppūl salyndy. Tasymaldaushyǵa qoldanystaǵy veterınarıyalyq-sanıtarıyalyq talaptar túsíndíríldí.
Aıta ketsek, 2025 jyldyń basynan berí EAEO elderímen shekarada veterınarıyalyq-sanıtarıyalyq ınspektorlar 57 185 kólík qūralyn jáne shamamen 738 myń tonna mal sharuashylyǵy ónímderín teksergen. Nátıjesínde 1 020 kólík kerí qaıtarylyp, 397 ákímshílík hattama toltyryldy. Aıyppūldardyń jalpy somasy 19,7 mln teńgení qūrady.
Sonymen qatar, úshínshí eldermen shekaradaǵy ótkízu beketterínde 21 654 avtokólík, 69 802 temírjol qūramy, 257 teńíz kemesí jáne 2,139 mln tonnadan astam mal sharuashylyǵy ónímí tekseríldí. Tekseru qorytyndysy boıynsha 24 avtokólík kerí qaıtarylyp, 24 ákímshílík hattama resímdeldí.