Referendum kúní Almatydaǵy barlyq saılau uchaskesínde erekshe árí zamanauı fotoaımaqtar ūıymdastyryldy. Būl bastama qala tūrǵyndaryna azamattyq boryshyn oryndap qana qoımaı, mańyzdy kúndí este qaldyryp, estelík suretke túsu úshín jasalǵan, – dep habarlaıdy aqshamnews.kz tílshísí.
Fotoaımaqtar bíryńǵaı vızualdy stılde bezendírílgen. Mūnda press-uolldar, bannerler, edendík navıgatsıya elementterí men sımvolıkalyq keskíndemeler ornalastyrylǵan. Kóptegen tūrǵyn túsírgen fotosuretterín áleumettík jelílerde #Referendum2026 heshtegímen bólísíp jatyr.
Máselen, №89 saılau uchaskesíne dauys beruge kelgen tūrǵyndardyń bírí referendumǵa qatysu ózí úshín tarıhı sát bolǵanyn aıtty. Onyń píkírínshe, būl mańyzdy oqıǵany fotosuret arqyly este qaldyru múmkíndígí kúnníń mánín odan árí arttyra túsken.
Almatylyqtardyń aıtuynsha, fotoaımaqtar dauys beru kúníne erekshe merekelík kóńíl kúı syılap, ony este qalarlyq oqıǵaǵa aınaldyrdy. Kópshílík estelík suretke túsíp, dostary men jaqyndaryna alǵan áserín bólísíp jatyr.