Búgín, 9 aqpanda Mılan men Kortına-d’Ampetstsoda Qysqy Olımpıada-2026-nyń kezektí jarys kúní ótedí. Qazaqstan qūramasynyń sportshylary ekí sport túrínen synǵa túsedí, - dep habarlaıdy aqshamnews.kz tílshísí.
Búgín bes medal sarapqa salynady. Kún baǵdarlamasynda konkımen júgíru, tau shańǵysy, frıstaıl, snoubord jáne tramplınnen shańǵymen sekíru saıystarynyń fınaldary bar.
Qazaqstan atynan júlde úshín konkımen júgíruden Nadejda Morozova, Elızaveta Golubeva jáne Krıstına Sılaeva áıelder arasynda 1000 metr qashyqta óner kórsetedí. Al tramplınnen shańǵymen sekíruden erler arasyndaǵy synaq raundynda Ilya Mızernyh pen Danıl Vasılev qatysady.
9 aqpandaǵy keste
- 21:30 - Konkımen júgíru, áıelder 1000 m: Krıstına Sılaeva, Elızaveta Golubeva, Nadejda Morozova;
- 22:00 - Tramplınnen shańǵymen sekíru, erler, synaq raundy: Ilya Mızernyh, Danıl Vasılev.
Jarystardy tíkeleı efırde Qazaqstan, Qazsport, Habar jáne Jibek Joly telearnalary kórsetedí.
Eske salaıyq, Qysqy Olımpıada oıyndary 2026 Italıyanyń Mılan jáne Kortına-d’Ampetstso qalalarynda 6–22 aqpan aralyǵynda ótíp jatyr.
