Partıyalyq tízímdí tírkeu merzímí ayaqtalǵanǵa deıín qandaı da bír saılau aldyndaǵy úgit júrgízuge jol berílmeıdí, – dep habarlaıdy aqshamnews.kz tílshísí.
Qazaqstan Bas prokuraturasy: 🖼 Qazaqstan Respublıkasynyń «Prokuratura turaly» Konstıtutsıyalyq zańynyń 40-babynyń tártíbínde
ÚNDEU
QŪRMETTÍ AZAMATTAR!
Memleket basshysynyń Jarlyǵyna (01.07.2026 j. №1338) sáıkes 2026 jylǵy 23 tamyzda Qazaqstan Respublıkasy Qūryltaıy deputattarynyń saılauy taǵaıyndaldy.
Ony daıyndau men ótkízu tártíbí Qazaqstan Respublıkasynyń «Qazaqstan Respublıkasyndaǵy saılau turaly» Konstıtutsıyalyq zańymen egjeı-tegjeılí reglamenttelgen.
Qazaqstan Respublıkasy Ortalyq saılau komıssıyasynyń qaulysymen (01.07.2026 j. №26/41) atalǵan saılaudy Daıyndau men ótkízudíń negízgí ís-sharalarynyń kúntízbelík jospary bekítíldí.
Kórsetílgen Kúntízbelík josparǵa saı 2026 jylǵy 2 jáne 23 shílde aralyǵynda partıyalyq tízímderdí ūsynu jáne tírkeu kezeńderí ótedí, al 2026 jylǵy 23 shíldede, saǵat 18:01-den bastap saılau aldyndaǵy úgit bastalady.
Ol 2026 jylǵy 22 tamyz, saǵat 00:00-ge deıín jalǵasady.
Osyǵan baılanysty, sondaı-aq Qazaqstan Respublıkasynyń «Qazaqstan Respublıkasyndaǵy saılau turaly» Konstıtutsıyalyq zańynyń 27-babynyń 2-tarmaǵyna saı partıyalyq tízímdí tírkeu merzímí ayaqtalǵanǵa deıín qandaı da bír saılau aldyndaǵy úgit júrgízuge jol berílmeıdí.
Osy talapty būzu Qazaqstan Respublıkasynyń Ákímshílík qūqyq būzushylyq turaly kodeksíníń 102-babyna sáıkes jauaptylyqqa ákep soǵady.
Qazaqstan Respublıkasynyń «Qazaqstan Respublıkasyndaǵy saılau turaly» Konstıtutsıyalyq zańynyń 27-babynyń 9-tarmaǵyna sáıkes saılau aldyndaǵy jónsiz úgítti júrgizuge tyıym salynady.
Mūndaı úgítke saılaushylarǵa tegin nemese jeńildik sharttarymen tauarlar, baǵaly qaǵazdar beru, qyzmetter kórsetu, lotereyalar, qaıyrymdylyq aktsıyalaryn ótkizu, aqsha tóleu ne osyndaı uáde beru jatady.
Jónsíz júrgízílgen úgít úshín Qazaqstan Respublıkasynyń Ákímshílík qūqyq būzushylyq turaly kodeksíníń 122-babynyń 2-bólígíne sáıkes jauaptylyq kózdelgen.
Eger paraǵa satyp alumen ūlasqan qūqyq būzushylyq belgílerí bolǵan jaǵdaıda, Qazaqstan Respublıkasy Qylmystyq kodeksíníń 150-babynyń 2-bólígí boıynsha qylmystyq jauaptylyq tuyndaıdy.
Sondaı-aq saılau taǵaıyndalǵan kezden bastap kandıdattarǵa, partıyalyq tízímderdí ūsynǵan sayası partıyalarǵa, sonymen bírge olardyń atynan nemese olardy qoldap kez kelgen jeke jáne zańdy tūlǵalarǵa oıyn-sauyq jáne sporttyq ís-sharalardy ūıymdastyrudy qospaǵanda, qaıyrymdylyq ís-sharalaryn ótkízuge tyıym salynatynyn atap ótken mańyzdy.
Kandıdattyń, partıyalyq tízímdí ūsynǵan sayası partıyanyń, sondaı-aq olardyń sením bíldírílgen adamdarynyń joǵaryda kórsetílgen talaptardy būzuy kandıdatty nemese partıyalyq tízímdí tírkeu turaly sheshímníń kúshín joyuǵa ákep soǵady.
Qazaqstan Respublıkasynyń «Qazaqstan Respublıkasyndaǵy saılau turaly» Konstıtutsıyalyq zańynyń 27-babynyń 7 jáne 7-1-tarmaqtaryna sáıkes būqaralyq aqparat qūraldary, sol sıyaqty onlaın-platformalardy paıdalanushylar kandıdattyń nemese sayası partıyanyń ar-namysyna, qadír-qasıetíne jáne ískerlík bedelíne kóríneu nūqsan keltíretín úgít materıaldary men ózge de aqparatty jarıyalaudan bas tartuǵa míndettí.
Kandıdattar, sayası partıyalar turaly kóríneu jalǵan málímetterdí taratu nemese saılau nátıjesíne yqpal etu maqsatynda olardyń ar-namysyna, qadír-qasıetíne jáne ískerlík bedelíne nūqsan keltíretín ózge de áreketter jasaǵany úshín Qazaqstan Respublıkasynyń Ákímshílík qūqyq būzushylyq turaly kodeksíníń 104-babyna sáıkes ákímshílík jauaptylyq kózdelgen.
Sonymen qatar jala jabu, yaǵnı basqa adamnyń abyroıy men qadir-qasıetine nūqsan keltiretin nemese onyń bedelin túsiretin kórineu jalǵan málimetter taratqany úshín de Qazaqstan Respublıkasynyń Ákímshílík qūqyq būzushylyq turaly kodeksíníń 73-3-babyna sáıkes jaza kózdelgen.
Sonymen bírge jalǵan aqparatty, qūqyqqa qaıshy kontenttí ornalastyru, taratu Qazaqstan Respublıkasynyń Ákímshílík qūqyq būzushylyq turaly kodeksíníń 456-2-babyna sáıkes jauaptylyqqa ákep soǵady.
Būǵan qosa qoǵamdyq tártíptí būzu nemese azamattardyń nemese ūıymdardyń qūqyqtary men zańdy múddeleríne eleulí zıyan keltíru qaupín tóndíretín kóríneu jalǵan aqparat taratu da Qazaqstan Respublıkasy Qylmystyq kodeksíníń 274-baby boıynsha qylmystyq jauaptylyqqa ákeledí.