Reseılík boksshy, Olımpıada chempıony Gaıdarbek Gaıdarbekov 2004 jyly Grekıyanyń Afına qalasynda ótken Olımpıada oıyndarynyń fınalynda qazaqstandyq boksshy Gennadıı Golovkınmen ótkízgen jekpe-jegín eske aldy, - dep habarlaıdy aqshamnews.kz tílshísí Sportinside.kz-ke sílteme jasap.
Gaıdarbekovtíń aıtuynsha, fınaldyq aıqasqa ol óte baıyppen árí senímdí kúıde shyqqan.
"Fınalda Golovkınge qarsy erekshe daıyndyqpen shyqtym. Ózím de qaıdan kelgenín bílmeımín, bíraq boıymda bír tynyshtyq boldy. Ekínshí oryn aluym múmkín degen oı múlde bolmady. Būl mení odan saıyn jígerlendírdí. Alǵashqy ekí raundty sabyrmen ótkízdím. Jattyqtyrushym aldyńǵy qolmen jūmys ísteudí, asyqpaudy tapsyrdy. Barlyǵyn aıtqanyndaı oryndadym. Ekínshí raundtan keıín onyń sharshaı bastaǵanyn baıqadym. Ol klınchke jıí kíríp, kóp ūstaı bastady", – deıdí ol.
Boksshy úshínshí raundta qarsylasynyń aldyńǵy qoly tómen túsken sáttí ańǵaryp, dál soqqylar jasaı bastaǵanyn aıtady.
"Sol sáttí paıdalanyp, bírneshe ret dóp tıgízdím. Úshínshí raundta típtí oń qolymdy syndyryp aldym. Qolymmen soqqy jasap, mańdaıyna dál tıdí. Jekpe-jektíń ayaqtaluyna on sekundtaı qalǵanda qolym synǵanyn anyq sezdím, kózímnen ūshqyn shyqqandaı boldy. Bíraq alda sońǵy raund bar edí. Ol kezde tórt raund bokstasatynbyz, árqaısysy ekí mınuttan. Sońǵy Olımpıadam, sońǵy raund ekenín túsíníp, barymdy saldym. Ayamaı soqqy jasaı berdím", – dep eske alady Gaıdarbekov.
Onyń sózínshe, jekpe-jek fızıkalyq tūrǵydan ǵana emes, psıhologıyalyq jaǵynan da óte auyr bolǵan. Soǵan qaramastan, ol rıngtegí jaǵdaıdy tolyq baqylauda ūstaı alǵan.
Eske salaıyq, Gennadıı Golovkın áuesqoı boksta 2004 jylǵy Olımpıada oıyndarynyń kúmís júldegerí, sondaı-aq 2003 jyly Bangkokta ótken álem chempıonatynyń altyn júldegerí atanǵan.
