Ál-Farabı atyndaǵy QazŪU-da IV halyqaralyq Farabı forumynyń jabylu saltanaty ótíp, jyl saıynǵy auqymdy ís-sharanyń qorytyndysy shyǵaryldy, dep habarlaıdy aqshamnews.kz.
Ís-shara studentterdíń úzdík ınnovatsıyalyq jobalarynyń kórmesínen bastaldy. Onda talantty jas ǵalymdardyń ǵylymnyń ártúrlí salasyndaǵy úzdík jūmystary qoıyldy. Atap aıtsaq: «Tótenshe jaǵdaılarǵa arnalǵan ūshqyshsyz ūshu apparattaryndaǵy symsyz mesh jelílerí», «Elektr qozǵaltqyshtaryn basqaru úshín jıílík túrlendírgíshín ázírleu jáne qūrastyru», «Otandyq ósímdík shıkízatynan antıoksıdanttyq qasıetterí bar kremdí ázírleu», «Psıhoemotsıonaldyq jaǵdaıdy ınvazıvtí emes túzetuge jáne kognıtıvtík funktsıyalardy jaqsartuǵa arnalǵan neıtrotrenıngter» jáne basqa jobalar.
Saltanatty jıyndy Ál-Farabı atyndaǵy QazŪU-dyń Basqarma Tóraǵasy – Rektor Janseıít Túımebaev ashyp, qatysushylardy Ǵylym qyzmetkerlerí kúnímen qūttyqtady. Rektor Farabı forumy jas ǵalymdardy yntalandyruǵa jáne jańa startaptardy qoldauǵa baǵyttalǵanyn aıtyp, QazŪU-dyń zertteu unıversıtetí mártebesín alǵannan berí bílím men ǵylym ıntegratsıyasy boıynsha belsendí jūmys júrgízíp jatqanyn atap óttí.
«Memlekettík qoldaudyń arqasynda unıversıtet ǵylymy damyp, jańa jobalarǵa qarjylaı granttar bólínude. Jas ǵalymdar el Prezıdentíníń qamqorlyǵyn erekshe sezínedí. Ótken jyldan berí QazŪU-dyń 14 jas ǵalymy Qasym-Jomart Toqaevtyń atynan páter kíltín alyp, baspanaǵa qol jetkízdí.
2021 jyly 62 oqytushy-professor, 8 ǵylymı qyzmetker, 226 magıstrant, 77 doktorant halyqaralyq ūtqyrlyq baǵdarlamasymen shetelderde bílímí men bílígín jetíldíríp qaıtty. Al 2024 jyly būl múmkíndíktí 707 oqytushy-professor, 106 ǵylymı qyzmetker, 345 magıstrant, 337 doktorant paıdalandy.
Byltyr qazaqstandyq ǵalymdar Scopus derekqorynda ındeksteletín jurnaldarda 9410 ǵylymı eńbek jarıyalady. Onyń 1589 jarıyalanymy Ál-Farabı atyndaǵy QazŪU ǵalymdaryna tıesílí. Yaǵnı unıversıtet ǵalymdarynyń úlesí qazaqstandyq jarıyalanymdardyń jalpy sanynyń 16,8 paıyzyn qūrady.
2024 jyly oqu ornynyń ǵalymdary 402 ǵylymı-zertteu jobasyn júzege asyrdy.
2021 jyly unıversıtet ǵalymdary jalpy somasy 2 782,1 mlrd teńgení qūraıtyn ǵylymı jobalardy jeńíp aldy.
2024 jyly būl kórsetkísh 13 mlrd teńgege óstí, nátıjesínde 252,53 mln teńge kólemínde kírís tústí.
Bír jyldyń íshínde 30-ǵa juyq zerthana ashylyp, ǵalymdar ıgílígíne beríldí», – dedí rektor.
Forum ayasynda túrlí konferentsıyalar, dóńgelek ústelder, studenttík bıznes-ınkubatorlar, ınnovatsıyalyq jobalar baıqauy jáne «QazŪU-dyń úzdík jas ǵalymy» konkursy ūıymdastyryldy.
Jas ǵalym, Jasandy ıntellekt jáne BigData kafedrasy meńgerushísíníń orynbasary Talshyn Sársenbaeva jas ǵalymdarǵa qoldau kórsetkení úshín unıversıtet basshylyǵyna alǵys bíldíríp, «Farabı forumy bízdíń unıversıtettíń dástúríne aınalǵan ıgí ís. Forum ayasynda jas zertteushíler ǵylymı ízdeníske jáne eldíń ıgílígí men órkendeuí úshín jūmys ísteuge ūmtylady», – dedí.
Ís-shara QazŪU-dyń oqytushy-professorlary men ǵylymı qyzmetkerlerín, «QazŪU-dyń úzdík jas ǵalymy» baıqauynyń jeńímpazdaryn, «Farabı álemí» studentter men jas ǵalymdardyń halyqaralyq ǵylymı konferentsıyasynyń júldelí oryndarynyń ıegerlerín jáne úzdík studenttík ınnovatsıyalyq jobalar baıqauynyń júldegerlerín marapattau rásímímen jalǵasty.
Baıqau jeńímpazdary sertıfıkattar men aqshalaı syılyqtarǵa ıe boldy. Forumnyń jalpy júlde qory 5 mln teńgení qūrady.