QMA Shymkent qalasy boıynsha departamentí "QazMūnaıGaz Invest" qarjy pıramıdasynyń zańsyz qyzmetín toqtatty, - dep habarlaıdy aqshamnews.kz.
Alayaqtyq shema azamattardyń senímín terís paıdalanu arqyly qūrylǵan. Ūıymdastyrushylar "QazMūnaıGaz" Ūlttyq kompanıyasynyń aktsıyalaryn satyp alu arqyly mol jáne jyldam tabys tabuǵa uáde bergen. Kúdíktíler salymshylarǵa ár 15 kún saıyn 50% kírís túsetínín aıtyp, olardy aldaǵan.
Alaıda ís júzínde eshqandaı baǵaly qaǵazdar satyp alynbaǵan. Tólemder tek jańadan tartylǵan qatysushylardyń qarajaty esebínen júzege asyrylǵan.
Bastapqy salym somasy 500 myń teńgeden bastalǵan.
Nátıjesínde shamamen 200 azamat qarjy pıramıdasynyń qūrbanyna aınalyp, jalpy somasy 1 mlrd teńgeden astam qarjysynan aıyrylǵan.
Zańsyz jolmen alynǵan kírísterge kúdíktíler Túrkístan oblysynda jalpy qūny 438 mln teńgeden asatyn múlík — ekí qymbat kólík ("Tank 500", "BMW X5"), tūrǵyn úı jáne kommertsıyalyq nysan (meıramhana) satyp alǵan. Būl múlíkter tárkíleuden jasyru maqsatynda tuystarynyń atyna rásímdelgen.
Sot sanktsıyasymen atalǵan múlíkke tyıym salyndy. Kúdíktíler qamauǵa alyndy. Tergeu amaldary jalǵasyp jatyr.
Qazaqstan Respublıkasy Qylmystyq-protsestík kodeksíníń 201-babyna sáıkes ózge aqparat jarıyalauǵa jatpaıdy.