Májilis depýtaty Nartaı Aralbaıuly Qazaqstandaǵy fýtboldyń damýy emes, búdjetke salmaq túsirýi basty másele bolyp otyrǵanyn aıtty. Ol premer-mınıstr Oljas Bektenovke joldaǵan depýtattyq saýalynda memleket qarjysyn jep otyrǵan fýtbol klýbtaryn jekeshelendirýdi talap etti.
"Gol salýdan buryn qazynaǵa qol salady"
Memleket basshysy Joldaýynda fýtbol klýbtaryn jekeshelendirýdiń qajetin atap ótken bolatyn.
"Qazaqstandyq fýtbol klýbtary qaqpaǵa gol salýdan góri, qazynaǵa qol salýdy jaqsy meńgergen. Biz olardyń búdjetke emes, jasyl alańǵa talasqanyn qalaımyz. Óıtkeni qazirgi nátıjeleri qaryn ashtyrady", – dedi.
Mıllıardtar qaıda ketip jatyr?
Resmı derek boıynsha, 2025 jyly fýtbol klýbtaryna búdjetten 31,7 mıllıard teńge bólingen. Onyń ishinde:
-
"Ordabasy" – 3,2 mlrd teńge,
-
"Aqtóbe" – 2,1 mlrd teńge,
-
"Qyzyl-Jar" – 2 mlrd teńge,
-
"Astana" – "Samuryq-Qazynadan" 5,3 mlrd teńge alǵan.
Birinshi lıgadaǵy klýbtar da qalyspaı, jylyna 1,2 mlrd teńgege deıin qarjy alǵan.
Jattyqtyrýshylar jalaqyǵa zar
Osy mıllıardtardyń kóleńkesinde qarapaıym sport jattyqtyrýshylary mardymsyz aılyqqa kún kórip júr.
-
2025 jyly eńbek jolyn endi bastaǵan jattyqtyrýshynyń jalaqysy – 117 myń teńge,
-
Joǵary sanatty jattyqtyrýshy – nebári 145 myń teńge alady.
Saldarynan kóptegen maman bilim salasyna ketip jatyr, sebebi mektep muǵalimderiniń jalaqysy áldeqaıda joǵary.
Depýtattyń usynystary
Nartaı Sársenǵalı Úkimetke mynadaı naqty usynys jasady:
-
Barlyq fýtbol klýbyn jekeshelendirýdi jedeldetý;
-
Klýbtardyń búginge deıin alǵan qarjysyn tolyq tekserý;
-
Úkimettiń №1193 buıryǵyna ózgeris engizip, jattyqtyrýshylardyń jalaqysyn kóterý.
Depýtattyń aıtýynsha, fýtbolǵa bólingen mıllıardtar nátıjesiz ketip jatyr. Al sol qarjyny buqaralyq sportty damytýǵa baǵyttasaq, elge áldeqaıda paıdaly bolmaq.