Otandyq ónerpaz Aleksandr Lım «Novaya volna – 2025» halyqaralyq jas oryndaushylar baıqauynda jeńímpaz atandy, dep habarlaıdy aqshamnews.kz
Ol – osy festıvalde jeńíske jetken alǵashqy qazaqstandyq.
Ártís áleumettík jelílerde kaver-vıdeolarymen tanymal boldy. Ánshí orys, aǵylshyn, ıtalyan, túrík jáne basqa tílderde hıt ánderdí oryndap, vıdeolary myńdaǵan qaralym jınaǵan.
2018 jyly Aleksandr «I’m a singer Kazakhstan» baıqauyna qatysyp, jartylaı fınalǵa jettí. 2021 jyly ol tanymal «Golos Ukraıny» shouyna qatysyp, Nadejda Dorofeevanyń jetekshílígímen jasyryn tyńdalymnan sáttí ótíp, nokaut kezeńíne deıín óner kórsettí.
Sondaı-aq taǵy bír qazaqstandyq oryndaushy Ernazar Jūban da júldelí orynǵa ıe boldy. Ótken jyly ol Vıtebsk qalasynda ótken «Slavyan bazary» halyqaralyq vokal baıqauynda bírínshí oryndy jeńíp alǵan edí. Ánshí «Novaya volna» dodasynda laıyqty óner kórsetíp, úshínshí orynǵa ıe boldy.
Qazaqstan Respublıkasynyń Mádenıet jáne aqparat mınıstrlígí ónerpazdardy jarqyn jetístíkterímen shyn júrekten qūttyqtaıdy jáne jas ánshílerdíń kásíbı ósuíne únemí qoldau kórsetuge daıyn. Būl jeńís án óneríníń damuyna sep bolyp, elímízdíń álemdík deńgeıde óz ornyn nyǵaıta túserí sózsíz.