2026 jyldyń basynda áleumettík jelíde 2016 jyl trendke aınaldy. Jūrt 10 jyl būryǵy suretterí men estelíkterín bólísíp jatyr. Qazaqstanda 2016 jyly qandaı eleulí ózgeríster boldy? Jyl nesímen este qaldy? aqshamnews.kz tílshísí tízíp shyqty.
Táuelsízdíkke 25 jyl
2016 jylǵy 16 jeltoqsanda Qazaqstan Táuelsízdígíníń 25 jyldyǵy atap ótíldí. Parlament Táuelsízdíktíń 25 jyldyǵyna arnalǵan deklaratsıya qabyldady.
theNews.kz
"Almaty Arena" men "Halyq Arena" salyndy
Almatyda halyqaralyq standartqa saı ekí írí nysan boı kóterdí: "Almaty Arena" jáne "Halyq Arena". Olar keıín 2017 jylǵy qysqy Unıversıada úshín negízgí alańdardyń bíríne aınaldy.
gov.kz
Májílís saılauy
20 nauryzda Májílís deputattaryn kezekten tys saılau óttí. Nátıjesínde Parlamentke úsh partıya óttí:
- "Nūr Otan" (qazírgí Amanat)
- "Aq jol"
- QKHP / KNPK (Kommunıstík halyq partıyasy)
informburo.kz
Rıo Olımpıadasy
2016 jyly Qazaqstan qūramasy jazǵy Olımpıadada joǵary nátıje kórsettí: 18 medal (2 altyn, 5 kúmís, 9 qola). Sol kezde jalpy esepte 22-oryn ataldy, bíraq 2022 jyly Nıdjat Ragımovtyń altyn medalí dopıngke baılanysty kerí qaıtarylǵannan keıín kórsetkísh qaıta qaralyp, komanda tómen syrǵydy.
http://olimp.kcbux.ru/
Keıkı batyrdyń bas súıegíníń elge oraluy
Ūzaq kelíssózderden soń 2016 jylǵy qazanda Keıkı batyrdyń bas súıegí Peterbordaǵy Kunstkameradan tarıhı otanyna qaıtaryldy. Būl oqıǵa eldíń tarıhı jady úshín mańyzdy sımvolǵa aınaldy.
Arqalyq qalasynyń ákímdígí
Qazaqstan BŪŪ Qauípsízdík Keńesíne saılandy
28 mausymda Qazaqstan 2017–2018 jyldarǵa BŪŪ Qauípsízdík Keńesíníń tūraqty emes múshesí bolyp saılandy. Būl - Ortalyq Azıya elderí úshín tarıhı oqıǵa retínde baǵalandy.
2016: qoǵamdy dúr sílkíndírgen oqıǵalar
Bek Air ūshaǵynyń shassısíz qonuy
27 nauryzda Bek Air kompanıyasynyń ūshaǵy aldyńǵy shassısí ísten shyqty, bíraq aman qondy. Ūshaq bortynda 121 adam bolǵan. Abyroı bolǵanda, zardap shekkender bolmady.
Toqtar Tóleshov ísí
2016 jyly belgílí kásípker Toqtar Tóleshovke qatysty protsess eldí dúr sílkíndírdí: ūıymdasqan qylmystyq top qūru, kúsh qoldanu arqyly bılíktí basyp aluǵa úgítteu jáne ózge de auyr baptar boıynsha aıyp taǵylyp, sot 21 jylǵa úkím shyǵardy. Onyń múlkí de tárkílendí.
Aqtóbedegí terakt
5 mausymda shamamen 25 radıkal men ıslamıst Aqtóbede "Pallada" qaru-jaraq dúkeníne shabuyl jasady. 17 dana atys qaruyn, oq-dáríler men pyshaqtardy qolǵa túsírgen terrorıster QR Ūlttyq ūlanynyń 6655 áskerı bólímíne shabuyl jasauǵa árekettendí.
Terrorısterdíń qolynan segíz adam qaza tapty: úsh áskerı qyzmetker jáne beıbít tūrǵyndar. Arnaıy operatsıya kezínde 18 terrorıst qaza boldy, toǵyz adam ūstaldy. Olarǵa qatysty sot protsesí qarashanyń ayaǵyna qaraı ayaqtaldy. Nátıjesínde jetí terrorıst ómír boıyna bas bostandyǵynan aıyryldy, ekeuí 20 jáne 25 jylǵa sottaldy.
Almatydaǵy atys
18 shíldede Almatyny da úreı basty. Almatyny úreı bıledí. 26 jastaǵy Ruslan Kulekbaev jalǵyz ózí Almaly audandyq íshkí íster basqarmasyna (Almaly RUVD), sondaı-aq ŪQK departamentí men salyq departamentíníń ǵımarattaryna shabuyl jasady. Nátıjesínde qūqyq qorǵau organdarynyń toǵyz qyzmetkerí qaza tapty. Arnaıy operatsıya barysynda Kulekbaev ūstaldy. Keıín sot ony kínálí dep tanyp, ólím jazasyna kestí.
Jūrt nege 2016-ny saǵynady?
Sayası sotsıologıya salasynyń sarapshysy Aıman Júsípovanyń túsíndíruínshe, trend áuelí Batysta kúsheıdí: 2016 jyly jasóspírím bolǵan buyn qazír TikTok pen Instagram-nyń negízgí audıtorıyasyna aınaldy. Olar úshín 2016 - alǵashqy "sanaly tsıfrlyq tájírıbe" uaqyty:
- áleumettík jelí ómírdíń bír bólígí boldy,
- bíraq búgíngídeı "únemí kórín", "únemí dálelde", "únemí kontent shyǵar" qysymy qatty sezílmedí.