Qazaqstan «jasyl ekonomıkaǵa» kóshude
Ūlttyq ekonomıka mınıstrlígí: Qazaqstan «jasyl ekonomıkaǵa» kóshu boıynsha ís-qımyldardy dáıektí túrde íske asyruda, dep habarlady Almaty-akshamy.kz.
Qazaqstan Respublıkasy men Europalyq Odaq memlekettík organdary ókílderíníń qatysuymen ótkízílgen «Tūraqty bolashaqty qalyptastyru» ECOJER halyqaralyq kongresí barysynda QR Ūlttyq ekonomıka vıtse-mınıstrí Álíbek Quantyrov «jasyl ekonomıkaǵa» kóshu boıynsha qabyldanyp jatqan sharalar turaly bayandady.
Vıtse-mınıstr óz sózínde 2013 jyly Qazaqstanda «jasyl ekonomıkaǵa» kóshudíń tūjyrymdamalyq sheńberí qabyldanyp, eldíń 2050 jylǵa deıíngí Strategıyalyq damu jospary íske qosylǵanyn atap óttí.
A.Quantyrovtyń aıtuynsha, úkímet ekonomıkany jasyl etuge belsendí sharalar qabyldauda, būl «dóńgelek ekonomıkaǵa» josparly kóshudí júzege asyruǵa múmkíndík beredí.
«2020 jylǵy jeltoqsanda Memleket basshysy 2020 jylǵy Klımattyq ambıtsıyalar sammıtí kezínde Qazaqstannyń 2060 jylǵa qaraı kómírtegí beıtaraptyǵyn qamtamasyz etu jóníndegí míndettemesín jarıyalady. 2021 jylǵy aqpanda ekí negízgí qūjat qabyldandy: Memlekettík josparlaudyń jańa júıesí jáne 2025 jylǵa deıíngí Ūlttyq damu jospary», - dedí A.Quantyrov.
Elímízdíń Ūlttyq jospary turaly aıta kele, spıker negízgí baǵyttardyń bírí barlyq óńírlerdíń teńgerímdí damuy bolyp tabylatynyn atap óttí. 3 500-den astam auyl jańa óńírlík standart boıynsha jańǵyrtylady. Būl auyldyq óńírlerdíń damuyna jańa serpín beredí. Qūrylys kólemín ūlǵaıtu jáne tūrǵyn úı ınfraqūrylymyn jaqsartu jalǵasady. Būl sharalardyń barlyǵy azamattardyń, ásírese óńírlerdegí ómír súru sapasyn jaqsartuǵa, sondaı-aq jergílíktí bıznesmenderdí qoldauǵa kómektesedí.
«Halyqaralyq qoǵamdastyqtyń qoldauyna súıene otyryp, bíz shyǵaryndylardy azaıtu jáne ekonomıkany dekarbonızatsıyalau boıynsha ūzaqmerzímdík strategıyany ázírleımíz, BŪŪ KÓNK-ge (Bíríkken Ūlttar Ūıymynyń Klımattyń ózgeruí turaly negízdemelík konventsıyasy) ūlttyq deńgeıde aıqyndalatyn úlesímízdí jańartamyz jáne kúsheıtemíz. Bíz sondaı-aq shyǵaryndylardyń saldaryn jūmsartudaǵy kúsh-jígerímíz úshín mańyzdy negíz bolyp tabylatyn shyǵaryndylar saudasy shemasyn jetíldírudemíz», - dedí Ūlttyq ekonomıka mınıstríníń orynbasary.
Sózín qorytyndylaı kele, vıtse-mınıstr álemdík qoǵamdastyqpen tyǵyz yntymaqtastyq qajettígín jáne búgíngí konferentsıya «jasyl ekonomıkaǵa» kóshu boıynsha írgelí ortaq maqsatqa baǵyttalǵan mańyzdy qadamdardyń bírí bolyp tabylatynyn atap óttí.
Anyqtama: Nūr-Sūltanda «ECOJER» – «Tūraqty bolashaqty qalyptastyru» bírínshí halyqaralyq kongresí ótkízíldí. Ís-shara Qazaqstan Táuelsízdígíníń 30 jyldyǵyn merekeleu sheńberínde Dúnıejúzílík qorshaǵan ortany qorǵau kúní qarsańynda ótkízíldí. «ECOJER» Kongresíníń maqsaty - memlekettík organdardyń joǵary jáne orta basqaru buyny, qarjy-ónerkásíptík toptar, tūraqty damu salasyndaǵy eko-belsendíler men sarapshylar, «jasyl» bıznes kompanıyalary jáne halyqaralyq donor ūıymdar deńgeıíndegí, múddelí jūrtshylyqtyń ekologıyalyq mádenıetí men habardarlyǵyn arttyrudaǵy kúshterín bíríktíru; tūraqty damu ıdeyasyn nasıhattau.