Almatylyq sportshy, qazaqstandyq mánerlep syrǵanaushy Mıhaıl Shaıdorov 2026 jylǵy qysqy Olımpıada oıyndarynda top jaryp, erler arasyndaǵy jekeleı saıysta Olımpıada chempıony atandy. Būl turaly Almaty qalasynyń Sport basqarmasynyń ókílderí habarlady.
Basqarma deregíne sáıkes, qysqa baǵdarlama nátıjesínde Mıhaıl 92,94 ūpaı enshílese, erkín baǵdarlamada joǵary tehnıkalyq kúrdelílíktí, mínsíz syrǵanaudy jáne naǵyz chempıonǵa tán ruhty pash etíp, 198,64 ūpaı jınady. Qos baǵdarlama qorytyndysy boıynsha 291,58 ūpaıǵa qol jetkízíp, Olımpıada tūǵyrynyń eń bıík satysyna kóteríldí.
Aıta keteıík, Mıhaıl Shaıdorov - Qazaq sport jáne turızm akademıyasynyń studentí.
Būl jetístík — tarıhı mańyzy bar aıryqsha oqıǵa. Qazaqstan sport tarıhynda mánerlep syrǵanaudan alǵash ret Olımpıada altynyn enshílep otyr. Būdan bólek, qysqy Olımpıada oıyndaryndaǵy 32 jyldyq úzílísten keıíngí altyn medal el sporty úshín erekshe kezeńníń bastauy retínde baǵalanady.
Jeńís — tabandy eńbektíń, júıelí daıyndyqtyń, jattyqtyrushylar shtabynyń kásíbı jūmysynyń jáne jan-jaqty qoldaudyń jemísí. Olımpıada arenasynda Qazaqstan Respublıkasynyń Memlekettík Ánūrany shyrqalyp, kók Tuymyz jelbíredí.
Būl altyn — tek Mıhaıl Shaıdorovtyń jeke jetístígí ǵana emes, búkíl Qazaqstan men Almaty qalasy úshín tarıhı mání zor, ruhty kótergen jarqyn jeńís.