Joǵarǵy cot alıment óndíríp aluǵa qatysty normatıvtík qaulysyna ózgerís engízdí, dep habarlaıdy aqshamnews.kz
Būǵan deıín sot alımenttí azaıtuǵa tyıym salatyn normatıvtík qaulyǵa súıeníp kelgen. Būǵan alıment tóleushíler qarsylyq bíldírgen edí.
Sonymen qatar “Neke (erlí-zaıyptylyq) jáne otbasy turaly” kodekste alıment mólsherín azaıtu múmkíndígí bar. Normatıvtí qauly men kodekstegí ekí nárse bír-bíríne qarama-qaıshy bolyp, adamdardy shatastyrdy. Nátıjesínde Joǵarǵy sot qaulydaǵy tyıymdy alyp tastady.
Ádílet mınıstrlígíníń málímdeuínshe, endí alımentterdí óndíru jáne olardy tóleuden bosatu máselelerí boıynsha dau bolǵan jaǵdaıda sotqa talap qoyu kerek.
“Onda boryshker nauqastanyp qalǵanyn nemese basqa da sebeptermen jūmyssyz qalǵanyn, otbasylyq auyr másele bolǵanyn dáleldep, sonyń kesírínen alıment tóleı almaıtynyn kórsetu kerek. Sol kezde alıment boıynsha bereshektí tóleuden tolyq nemese íshínara bosatuǵa qūqyly”, – delíngen habarlamada.
Alıment kólemí qalaı esepteledí?
"Atqarushylyq ís júrgízu jáne sot oryndaushylarynyń mártebesí turaly" zańǵa sáıkes, alıment sommasyn sot oryndaushy toqsan saıyn yaǵnı úsh aı saıyn anyqtaıdy. Boryshker qansha jalaqy alatynyn nemese kírísí turaly aqparat ūsynady. Jūmys ístemese, ony da kórsetuí kerek. Áıtpese bereshegí eldegí ortasha jalaqysyn negízge alyp taǵaıyndalady.
Qazír Qazaqstanda ortasha jalaqy 423 133 teńge bolsa, bír balaǵa alıment 105 784 teńge, ekí balaǵa 140 903 teńge, al ekí nemese odan da kóp bala úshín 211 567 teńge bolady.
Alıment tólemegenderge qandaı shara qoldanylady?
Úsh aıdan astam uaqyt alıment tóleuden jaltaryp júrgender Qylmystyq kodekstíń 139-babyna sáıkes, 600 saǵatqa deıín qoǵamdyq jūmysqa tartylady nemese ekí jylǵa deıín bas bostandyǵyn shekteu nemese aıyru jazasyna kesíledí. Odan bólek keshíktírgen bereshek somasyna tūraqsyzdyq aıypaqy esepteledi.
Sondaı-aq alımentten jaltaryp júrgenderdí qūryqtau úshín "Qorǵau" júıesí shyqty. Sol arqyly polıtsıya qyzmetkerlerí boryshkerlerdíń atyna tírkelgen kólíktíń qaıda júrgenín anyqtap, kólíktí aıyp tūraǵyna qoyady. Kólík boryshker qaryzyn tolyq ótegenshe tūrady. Eger alıment sol kúıí tólenbese, sot sheshímímen múlík auktsıonǵa qoıylyp satylady.
Ádílet mınıstrlígí alıment boıynsha qūqyqtyq konsultatsıyany 119 nómírí boıynsha elímízdíń statsıonarlyq telefonyna nemese qūqyqtyq aqparat ortalyǵyna, sondaı-aq 119 Kenesbot Telegram-arnasy arqyly aluǵa bolatynyn aıtty.