Búgín Almatyda UEFA Chempıondar lıgasy ayasyndaǵy "Qaırat" – "Real Madrıd" matchí ótedí. Ortalyq stadıon aldynda ne bolyp jatyr? Tolyǵyraq Aqshamnews.kz materıalynda.
Jankúıerler jınalyp jatyr
Dál qazír Ortalyq stadıon aldynda jankúıerler jınalyp jatyr. Tarıhı match aldyndaǵy jaǵymdy dúrbeleń ár būryshtan sezíledí. Abaı kóshesíníń boıy tolyqtaı "sary-qara" túsíke boyaldy.
Búgín "Qaıratqa" tek almatylyqtar emes, kúllí qazaq taqymyn qysyp, qoldau bíldírmek. Áıgílí koroldík klub "Real Madrıd" FK-na qarsy tarıhı match úshín jınalǵan jankúıerlerdíń qarasy kóp. Matchqa deıín álí bírneshe saǵat bar. Dese de, Abaı-Baıtūrsyn qıylysynan naǵyz merekelík vaıb sezíledí.
"Qaırat" jankúıerlerí erekshe beınede kreatıvterín kórsetíp jatyr. Bírí betteríne akvagrım saldyryp, endí bírí "qypshaq batyr" beınesíndegí betperdelermen júr.
"Qaırattyń jeńísíne senemín!"
Almatydaǵy match aldynda Bauyrjan esímdí jankúıer de Qaıratqa qoldau bíldíríp:
"Men Qaırattyń 1974 jyldan berí jankúıerímín. Búgín jeńíske ábden laıyqpyz, jeńís bízde!", — dep sením bíldírdí.
Sondaı-aq, "Qaıratqa" jankúıer boluǵa Qazaqstannyń túkpír-túkípírínen jūrt jınalyp jatyr. Solardyń bírí Shymkenttík Nūrsūltan:
"Qaıratqa" jankúıer boluǵa Shymkentten kelíp tūrmyn. Jeńíske senemíz! Tek alǵa!", -dedí ol.
Polıtsıya jaǵdaıdy baqylauda ūstap otyr
Dese de Almaty polıtsıyasy match mańyna jınalǵan jūrtty qatań qadaǵalap tūr. Jer-jerge kóz salsańyz da tártíp saqshylaryn baıqauǵa bolady.
suretter: Qaırat Qonysbaev