Atyrau oblysy Qūlsary qalasyndaǵy mektepte bolǵan jantúrshígerlík oqıǵadan keıín mektep dırektory qyzmetínen bosatyldy, - dep habarlaıdy aqshamnews.kz tílshísí.
Būl turaly Atyrau oblysy Bílím beru basqarmasy málímdedí.
"Qūlsary qalasyndaǵy №6 A.S Pushkın atyndaǵy orta mekteptíń dırektory óz erkímen qyzmetínen bosatyldy. 5 aqpanda mektep dırektoryna bolǵan oqıǵaǵa baılanysty qatań sógís beríldí. 6 aqpanda óz erkímen qyzmetínen ketu turaly aryzy qanaǵattandyryldy", - dep jazylǵan habarlamada.
Eske salaıyq, 5 aqpanda 102 arnasyna Qūlsary qalasynda 10-synyp oqushysy qatarlastarymen janjaldan keıín olarǵa shabuyl jasap, mektep aumaǵynan boı tasalaǵany turaly habarlama túsken. Oqıǵa saldarynan ekí oqushy jeńíl dene jaraqatyn aldy.
Būl derekke qatysty būzaqylyq boıynsha qylmystyq ís qozǵaldy. 15 jastaǵy kúdíktí uaqytsha ūstau ızolyatoryna qamalyp, Íshkí íster organdarynyń esebíne alyndy.