Premer-mınıstr Oljas Bektenov turızm jáne sport mınıstrí, Almaty oblysy men Almaty qalasy ákímderí, sondaı-aq Almaty Superski jobasyn júzege asyruǵa jauapty Kazakh Tourism Development Ltd basshylyǵynyń qatysuymen Almaty tau klasterín (ATK) damytu máselelerí boıynsha keńes ótkízdí, – dep habarlaıdy aqshamnews.kz tílshísí.
Premer-mınıstr josparlanǵan ís-sharalardyń oryndalu barysy, jobalardyń aǵymdaǵy mártebesí jáne ATK damytu jóníndegí aldaǵy qadamdar turaly bayandamalardy tyńdady.
Almaty tau klasterín damytudyń keshendí jospary 73 ís-sharany qamtıdy, onyń 49-yn bıyl júzege asyru josparlaǵan. Bírínshí kezeńde Shymbūlaqty jańǵyrtu jáne Butakovka, Kímasar shatqaldary aımaqtaryn damytu kózdelgen. Ekínshí kezeń 2027 jyly bastalady jáne Pıoner, Oi-Qaragai kurorttaryn damytudy, sondaı-aq olardy aspaly jol júıesí arqyly bíríktírudí qamtıdy.
Kazakh Tourism Development Ltd atqarushy dırektory Erjan Erkínbaev Almaty Superski tūjyrymdamasynda jayau seruendeushílerdíń keshendí ınfraqūrylymyn, zamanauı vızıt-ortalyqtaryn jáne soqpaqtar men marshrut belgílerínen bastap bıík tauly aımaqtardaǵy shūǵyl baılanysqa, tsıfrlyq navıgatsıyaǵa jáne kúrdelílígí ártúrlí deńgeıdegí marshruttar katalogteríne deıín bíryńǵaı qauípsízdík júıesín qūruǵa erekshe mán beríletínín bayandady. Jobanyń erekshelígí Shymbūlaq, Almaty Superski kurorttaryna jáne basqa da keleshegí zor baǵyttarǵa aspaly joldardyń negízgí kólík toraby bolatyn bíryńǵaı vokzal bolady.
Qala ákímí Darhan Satybaldy Almaty qalasynyń ákímdígí atqaryp jatqan jūmystar turaly bayandady. Shymbūlaqty jańǵyrtu ayasynda bıyl mamyr aıynda jetí aspaly kópírdíń alǵashqysynyń qūrylysy bastalady. Jyl sońyna deıín ekí jańa jelíní ayaqtau josparlanuda, oǵan 5 shaqyrymnan astam trassany qosylady (qazírgí jalpy ūzyndyǵy – 18 km). Sondaı-aq Shymbūlaqta 2 aspaly jol jańǵyrtylady.
Almaty Superski jobasy qazír ınjenerlík ınfraqūrylym daıyndap, jabdyqtar satyp aluda. Bıyl 8 kópír men su ótkízu qūrylystaryn salu kózdelgen. Bıylǵy mausym aıynda ūzyndyǵy 6 shaqyrym avtojol qūrylysyn bastau josparlanyp otyr. Gazben jabdyqtau jáne káríz jelílerí 2027 jyly jolmen bír mezgílde salynady. Jalpy, qala ákímdígíníń málímdeuínshe, ınjenerlík ınfraqūrylym men avtojol 2027 jyldyń qyrkúıegíne deıín ayaqtalady dep kútílude.
Almaty oblysynyń ákímí Marat Sūltanǵazıev 2025-2029 jyldarǵa arnalǵan keshendí jospar sheńberínde óńírde 92,8 mlrd teńge bolatyn 15 ís-shara kózdelgenín, onyń 83,8 mlrd teńgesí jeke ınvestıtsıyalar ekenín bayandady. Oi-Qaragai kurortynda búgínde bírqatar jūmystar oryndaldy, sonyń íshínde 10 oryndyq gondola jáne 6 oryndyq aspaly jol, shańǵy trassalarynyń bírínshí kezeńí, paraglaıdıng alańy jáne basqa da nysandar paıdalanuǵa beríldí. 2027 jyldyń III toqsanynda kurortty qosymsha elektrmen jabdyqtau jobasy ayaqtalady dep kútílude. Sondaı-aq, «Tau-Tūran – Baıbūlaq» avtomobıl jolyn kúrdelí jóndeu josparlanuda.
Premer-mınıstr jauapty memlekettík organdar men ūıymdar tarapynan jūmys qarqyny bayau ekenín aıtty. Almaty tau klasterí men Almaty Superski kurortynyń damuy erekshe baqylauda ekení atap ótíldí.
«Almaty tau klasterí men Almaty Superski kurortyn damytu – ekonomıka úshín turıster aǵynyn ūlǵaıtuǵa jáne ınvestorlardy tartuǵa tíkeleı yqpal etetín mańyzdy jobalar. Olardy júzege asyru negízsíz sozylyp bara jatyr. Memlekettík organdar būl jūmysqa tolyq kírísken joq. Barlyq máselení jedel jáne bírlesíp sheshíńízder», — dedí Oljas Bektenov.
Premer-mınıstr bírqatar tapsyrma berdí. Olar – ATK jáne Almaty Superski jobalary boıynsha memlekettík saraptama qorytyndylaryn uaqytynda beru; jobalardy ǵylymı súıemeldeu; arnaıy jáne órt sóndíru tehnıkalarynyń ótuí úshín qosymsha uchaskeler bólu jónínde sharalar qabyldau; Almaty Superski kurortynyń nysandaryn saludy bastau úshín uaqytsha ınfraqūrylym (joldar, ınjenerlík jelíler jáne t.b.) júrgízu jáne qajettí kelísímder berudí qamtamasyz etu.
Jalpy, Almaty tau klasterín jáne Almaty Superski jobasyn damytu zamanauı jáne qoljetímdí tau ınfraqūrylymyn keńeıtuge, būqaralyq jáne kásíbı sportty tanymal etuge, sondaı-aq jyl boıǵy demalysty yntalandyruǵa baǵyttalǵan. Almaty Superski jobasy óńír ekonomıkasy úshín jańa ósu núktesíne aınaluǵa, myńdaǵan jūmys oryndaryn qūruǵa, turıstík aǵyndy ūlǵaıtuǵa, Qazaqstannyń tau turızmíníń halyqaralyq kartasyndaǵy pozıtsıyasyn nyǵaıtuǵa jáne Almatynyń Ortalyq Azıyanyń zamanauı turıstík ortalyǵy retínde damuyna jańa serpín beruge qabílettí.
Tūjyrymdamanyń mańyzdy bólígí balalar men jasóspírímderdí qysqy sport túrlerímen, belsendí ómír saltymen jáne tauda qauípsízdíktí saqtau mádenıetímen tanystyru úshín mektep jáne bílím beru baǵdarlamalaryn íske qosu bolmaq. Kadrlardy dayarlau maqsatynda tau shańǵysy mamandyqtary boıynsha 350-ge juyq grant bólu josparlanuda. Kolledjder aspaly jol ınjenerlerín, kótergísh mehanıkterdí, trassalar men qar ınjenerlerín, qar zeńbírekterí, qar kóshkíní jáne taǵy da basqalar boıynsha mamandar dayarlaudy bastaıdy.
Jūmystardyń jekelegen bír baǵyty – salalyq ǵylymı ınstıtuttarmen jáne saraptamalyq ūıymdarmen yntymaqtastyq ornatu. Joba sheńberínde ekologıya, zoologıya, topyraqtanu, geologıya, gıdrologıya salasyndaǵy mamandarmen ózara ís-qımyl júrgízíledí. Mūndaı tásíl jobany zamanauı ǵylymı derekter, halyqaralyq qauípsízdík standarttary jáne tabıǵı ortaǵa ūqypty qarau qaǵıdattary negízínde júzege asyrudy qamtamasyz etedí.
Turızm jáne sport mınıstrlígíníń derekterí boıynsha, jobalardy júzege asyru jyl boıǵy turıstík aǵymdy 2 mln-nan 5 mln adamǵa deıín ūlǵaıtuǵa múmkíndík beredí. Būl aımaq pen jalpy elímíz úshín eleulí áleumettík-ekonomıkalyq tıímdílíktí qamtamasyz etedí.