Almatyda ótken KITF 2026 kórmesíne 6 myńnan astam adam keldí, – dep habarlaıdy aqshamnews.kz tílshísí.
Almatyda 24-shí Qazaqstan halyqaralyq «Turızm jáne sayahat» kórmesí — KITF 2026 máresíne jettí. Úsh kúnge sozylǵan ís-sharaǵa 6 myńnan astam adam qatysyp, Ortalyq Azıyadaǵy eń írí turıstík alańdardyń bíríne aınaldy. Būl turaly qalalyq Turızm basqarmasynyń ókílderí habarlady.
Kórmege álemníń 24 elínen 414 kompanıya qatysty. Alǵash ret Kıpr, Mońǵolıya, Shrı-Lanka jáne Abu-Dabı ámírlígí tanystyryldy. Būl qatysushylar auqymynyń keńeıíp, Almatyǵa turıstík baǵyt retínde qyzyǵushylyqtyń artqanyn kórsetedí.
Kórmede Qazaqstan atynan 68 kompanıya ūsynyldy. Ís-shara ískerlík kezdesuler ótkízuge, áríptestík baılanysty nyǵaıtuǵa jáne qalanyń turıstík áleuetín ílgeríletuge múmkíndík berdí.
Almaty qalasy Turızm basqarmasynyń turızmdí ílgeríletu bólímíníń basshysy Erkebūlan Ábıhannyń aıtuynsha, mūndaı ís-sharalarǵa qatysu kírmelík turızmdí damytuǵa jáne halyqaralyq yntymaqtastyqty keńeıtuge yqpal etedí.
Kórme jetekshísí Vıktorıya Pavlenkonyń aıtuynsha, Almaty sheteldík turıster úshín, ásírese sauyqtyru jáne wellness-turızm segmentínde, sūranysqa ıe baǵyt mártebesín saqtap otyr.
Halyqaralyq kórmelerdí ótkízu turıstík salany damytudyń jáne turıster sanyn arttyrudyń tıímdí qūraldarynyń bírí bolyp qala beredí.