Bul forým jańa ekologıalyq retteý jaǵdaıynda kómir salasyn damytý máselelerine arnalǵan.
Nur-Sultanda Astana Mining & Metallurgy halyqaralyq taý-ken metalýrgıalyq kongresi aıasynda Qazaqstannyń kómir ónerkásibiniń II forýmy ótti, dep habarlaıdy almaty-akshamy.kz QR IIDM baspasóz qyzmetine silteme jasap.
Forým spıkerleri retinde QR Indýstrıa jáne ınfraqurylymdyq damý vıse-mınıstri Rýslan Baımıshev, TMKQ atqarýshy dırektory Nıkolaı Radostoves, «Qazkómirtek» salalyq kásiptik odaǵy» QB tóraǵasy Marat Mırgaıazov, sondaı-aq kómir kásiporyndarynyń basshylary sóz sóıledi.
Búgingi tańda elimizdiń kómir salasy elektr energıasynyń shamamen 70%-yn óndirip, koks-hımıa óndirisiniń tolyq júktemesin qamtamasyz etedi. Komýnaldyq-turmystyq sektor men el halqynyń otynǵa qajettiligin tolyq qanaǵattandyrady. Salada 30 myńǵa jýyq adam jumys isteıdi.
Kómir qory boıynsha Qazaqstan kóshbasshy elderdiń ondyǵyna kiredi. Qor kólemi 33,9 mlrd.tonnany quraıdy, barlanǵan kómir qorynyń 90%-dan astamy Qazaqstannyń soltústik-shyǵysynda jáne ortalyq bóliginde shoǵyrlanǵan. Táýelsizdik jyldary kómir óndirýshi kásiporyndar 2,7 mlrd. tonnadan astam kómir óndirdi. Shamamen 0,8 mlrd.tonna jaqyn jáne alys shetelge eksporttaldy.