2025 jylǵy 2 maýsymda Qostanaı oblysynda Terorızmge qarsy kúres jónindegi respýblıkalyq jedel shtaptyń basshysy – UQK Tóraǵasy E.Saǵymbaevtyń sheshimimen «Naıza-Antıterror-2025» respýblıkalyq jedel-taktıkalyq terorızmge qarsy oqý-jattyǵýynyń qorytyndy kezeńi ótkizildi.
Oǵan Ulttyq qaýipsizdik komıteti, Memlekettik kúzet qyzmeti, ishki ister, qorǵanys, tótenshe jaǵdaılar, mádenıet jáne aqparat, kólik mınıstrlikteri jáne jergilikti atqarýshy organdar qatysty, dep habarlaıdy aqshamnews.kz QR UQK TQO shtabyna silteme jasap.
Múddeli memlekettik organdardyń terorıstik sıpattaǵy «gıbrıdti» qaýipterge den qoıýǵa jaýyngerlik ázirlik deńgeıi men úılesimdiligin tekserý júzege asyryldy.
Jaýyngerlikke barynsha jaqyn jaǵdaılarda dıversıalyq-terrorıstik aktilerdiń aldyn alý, sondaı-aq olardyń saldaryn barynsha azaıtý jáne joıý boıynsha trenıńter ótkizildi.
Kıbershabýyldarǵa den qoıý, shartty terrorısterdi izdeý jáne anyqtaý, brondy tehnıkasy bar arnaıy maqsattaǵy kúshterdiń ornyn aýystyrý, kepilge alynǵandardy bosatý jáne jarylǵysh qurylǵylardy zalalsyzdandyrý jónindegi operasıalardy júrgizý boıynsha vedomstvoaralyq ózara is-qımyl jasaý tetikteri pysyqtaldy.
Sonymen qatar shaqyrylǵan jýrnalıser úshin terorızmge qarsy is-qımyl máselelerin aqparattyq keńistikte jarıalaý boıynsha semınar-trenıng ótkizildi.
Oqý-jattyǵýlardyń qorytyndylary boıynsha barlyq maqsattarǵa qol jetkizildi, qoıylǵan mindetter oryndaldy. Elimizdiń aýmaǵyndaǵy terorıstik qaýipterge qarsy is-qımyl sharalaryn jetildirý boıynsha qosymsha sheshimder ázirlendi.