Ūstazdar men dárígerler qauymyna jan-jaqty qoldau kórsetu jáne olardyń eńbegíne zor qūrmetpen qarau – mańyzdy míndet, – dep habarlaıdy aqshamnews.kz tílshísí.
«Osy aıtuly kúnde bíz Soltústík Qazaqstan oblysynyń Shal aqyn audanynan kelgen mehanızator Sergeı Nıkolaevıch Pustylnıkovke laıyqty qūrmet kórsetemíz.
Ol otyz jyldan berí auyl sharuashylyǵy salasynda jemístí jūmys ístep, jıǵan tájírıbesín jas buynǵa úıretíp keledí. Adal eńbegí men tolaıym tabysy úshín Sergeı Nıkolaevıch Pustylnıkov ÍÍÍ dárejelí «Eńbek Dańqy» ordenímen marapattalady.
Bíz ūlt saulyǵyn nyǵaıtu jáne zıyatker ūrpaq tárbıeleu ísíne basa mán beríp otyrmyz. Ūstazdar men dárígerler qauymyna jan-jaqty qoldau kórsetu jáne olardyń eńbegíne zor qūrmetpen qarau – mańyzdy míndet.
Búgín aǵa meıírbıke Anar Rahmanbekqyzy Ábdíqūlovaǵa jáne ūlaǵatty ūstaz Sálıma Ibraıymqyzy Jūmamūratovaǵa «Shapaǵat» medalí tabystalady.
Qoǵamdyq kelísím – egemendígímízdíń myzǵymas kepílí. Búgín yrysty yntymaǵymyzdy nyǵaıtu jolynda jemístí eńbek etíp júrgen bír top azamatqa «El bírlígí» ordení tabystalady.
Sonymen bírge búgín memleketímízdí kórkeıtuge belsene atsalysqan, adal eńbegímen kópke úlgí bolǵan 2 myńnan astam azamat marapattalady. Sonyń íshínde 270-ke juyq bílím-ǵylym, densaulyq saqtau salasynyń qyzmetkeríne, 473 jūmysshy mamandyǵy ókílderíne jáne 129 eńbek ardageríne, sondaı-aq, 200-den astam shaǵyn jáne orta bıznes ókílíne memlekettík nagrada tapsyrylady.